في قلعة الرُسحان

Part 17

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

من حنان الأنثى يرتوي قلب الرجل
ومن إهتمام الرجل ينبض قلب الأنثى

~~~~~~~~~~~~~~~~~~~~
فزيت الفجر ساعه ٤:٠٥

وجان اشوف واصلني اشعار اتصال من رقم ليث اربع مرات متصل ساعه بـ ١ وراها بربع ساعه وراها مرتين والمره الرابعه ساعه ٣:٥٩

بقيت خايفه وحايره كلت يعني هسه اذا اتصلت عليّ يرد عليه لأن مصارله دقايق زين شسوي وين اروح شجعت نفسي وكلت اجرب اتصل

يلا وتر انتي بديت هالموضوع لو ما اجاوبه بعد نهائياً ما اكدر احجي وياه لو اتفاهم وياه بين ما فكرت صارت الساعه تقريباً ٤:١١

اني مخليه الموبايل بيدي وصافنه على الوقت لحد ما شجعت نفسي وخابرته ماكو رجعت خابرته هم ماكو محصلته

وتر : اووف وين راح هسه شلون خل اتصل هل مره واذا ما جاوب معناها انسى الموضوع كله وخلص بعد

اتصلت طول يلا دك الموبايل اول رنه ثاني رنه فتح خط اجاني صوته
ليث : الو

جمدت بمكاني حتى النفس كطعته رجع كال
ليث : الو الوو

وتر بخوف : الو مرحبا

ليث : مراحب تفضلي ؟

وتر : ااا احم شسمه انت يمكن متعرفني بكد ما اني اعرفك بس دزيتلك مسج حتى احاجيك بموضوع

ليث : اي تفضلي !

من كال تفضلي حسيته مو معصب هدائت شوي وشجعت نفسي اكمل
وتر : شوف هو الموقف مو حلو وحتى عيب بس لو ما الظرف الي صار اني لا اخابر ولا اراسلك

ليث : تمام

وتر : اني معجبه بيك وبصراحه صار فتره من اريد احاجيك بهالموضوع

ليث : اي ؟

وتر : فشسمه ردت اعرف انـــتَ مرتبط حتى اذا عندك انسانه بحياتك اني انسى هالحجي كله واروح

ليث ضحك : زين غير اعرف انتي منو اول شي؟

وتر : ميحتاج تعرفني هسه اني كتلك اذا عندك وحده ميحتاج لأن هم ما ارضى على نفسي احب شخص يحب وحده ثانيه ولا اريد اخرب حياة احد بس لأن مشاعري تجاهك اني معترفه بيها

ليث : عموماً اني ماعندي وحده واصلاً حالياً ممخلي بالي ولا الي خلك هالسوالف بعد

ضحكت وبسرعه حجيت بدون ما احس على نفسي
وتر : كول وروح ابويه

ما اسمع بس صوت ضحكته العاليه حسيت على نفسي جفصت غميت نفسي خرب يومج وتر هاي هم حجايه تنكال

ليث :شنو متصدكين بيه لعد مو تكولين اعرفك اكثر من ما تعرفني

وتر بتوتر : اي بس اريد اتأكد