في قلعة الرُسحان

Part 15

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

بعتاب علي رشم من يگول :
بكصايب يا حلم شديت روحك خيط
خيطك من يمر دخان ما كطعهَ

~~~~~~~~~~~~~~~~~~~~~

ليث : واكفين على صفحه واتابع قيس شلون يفكك بالعبوات بحذر بقيت مركز ويا وخايف عليه

لحضه وحسيت واحد من الضباط دخل للحقل رفع راسه قيس وما نحس بس نفجرة العبوه عليه رجعنه ليوره

انشمرت بعيد عليّ كمت وكفت بسرعه
واشوف الترابه ركضت اصيح مفرفح على صاحبي
ليث : قيسسس وينك قيسس تسمعني ولك قيسسسس

رحت واشوفه أمدد بالكاع دنكت شلت الخوذه من راسه وجه كله دم رجف كلبي تقربت تحسست نبضه بعده عايش
التفتت اصيح عليهم
ليث : عايششش عايشش بسررررعه شغلووو السياره احمددد بسرعه

احمد : ليث وخر خل نشيله السياره مشتغله

شلنا حطينا بالسياره كعدت ليوره وراسه بحضني
وجه كله دم امسح بوجهه واحجي مفرفح
ليث : احمدددد سوق بسرررعه

احمد : بس على كيفك هسه راح نوصل والله جاي اسوووق بسرعه

شوي وطبك السياره اباب المستشفى نزل يركض جاب السديه وفتح الباب نزلنا وركضو عليه للطوارئ اخذو من عدنه

كعدت اباب الغرفه ملابسي متربه وكلها دم وادعي الله ما ياخذه مني هذا اخوي وصديقي عضيدي ربي لا تاخذه مثل ما اخذت ابوي ويتمتني

احمد : كول يالله ليث ما بي شي ان شاء الله كوم غسل شوف نفسك مترب وملابسك كلها دم

ليث : عوفني احمد وهذذا العار الدخل للحقل اذا ما اموته بيدي ما يطلع اسمي ليث مو كلنه ولا كواد يدخلللل للحقل ليش دخللللللل ليشششش

احمد : كافي الخاطر ربك لا اصيح احنا بالمستشفى العالم كلها صارت تباوع علينه وان شاء الله كلشي ينحل بس خل يكعد قيس

عفته ورحت للحمامات غسلت وجهي وافكر شكول الاهله وشحجي رجعت واشوف كل الضباط بالممرر موجودين اباوع ماكو وياهم هذا العار

عميد حازم : شونك وليدي

ليث : بخير سيدي

عميد حازم : اتصلت على اهل ال...... قيس .......

ليث : لا سيدي بعدني كلت خل يطلع الدكتور ونشوف حالته الصحية بعدين اتصل عليهم

عميد حازم: زين اتسوي وان شاء الله يطلع منها سلامات

ليث : ان شاء الله سيدي

لليل يلا طلع الدكتور وكال حالته استقرت  الحمد الله
اخذت الجهاز واتصلت على ابو قيس شوي وجاوب