في قلعة الرُسحان

Part 3

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشرر

‏أخبرني أين يُباع النسيان
وأين أجد ملامحي
السابقة وكيف لي
أن أعود لنفسي؟!

~~~~~~~~~~~~~~~~~~~~~
لحضة دخول بيت الـ جابر الى حياتنا
الي شبه دمرتني نفسياً بالذات اني

بقه يباوع عليه بسرعه نزلت عيني وركضت للبيت قبل لا ادخل التفتت شفته بعده يباوع عليه  جسمي بقى يرجف رجيف مو طبيعي بحياتي ما نسيت رجفتي بذاك اليوم

اول مره اخاف هيج خوفه عدلت نفسي مسحت دموعي خفت لا امي اشوفني هيج وتسئل ما بيه حيل اكعد اجذب عليها دخلت جانت دايره ظهرها للطباخ سلمت عليها

وتر : السلام عليكم

ام وتر : وعليكم السلام

التفتت عليه وشهكت اجت لزمت وجهي
ام وتر : يمه بنتي شبيج ماما شبي وجهج مخطوف ؟

وتر : مـ ما بيـ بيه ما بيه شي بس تعبانه من الطريق واخر درس جان عدنا أمتحان ما عندي طاقه بعد

ام وتر : سوده عليه لعد روحي اسبحي وارتاحي بين ما يجون اخوتج تتغدون سوه لو جوعانه اصبلج هسه تاكلين ؟

وتر : لا ماريد شبعانه بس اريد انام نعسانه

ام وتر : براحتج ماما روحي ارتاحي

بوستني ابتسمت بوجها ورحت صعدت سبحت بس نشفت  شعري كبل رحت للفراش بس ما كدرت انام صار يتهيألي

راح يجون يدكون الباب علينه ويكتلوني
اني وامي لو يذبحوني اني وياها

صار هل شي كابوس يوميه احلم بي جان هذا كل تفكيري الشاغلني نفسيتي ادمرت بسبب هذا الكابوس

فات اسبوع اني مدمره الحد ما بيوم من الايام
اجا ابويه جمعنه كلنه بالاستقبال

ابو وتر : عندي موضوع وياكم تعالو كلكم للصاله

رحنا كلنه بالاستقبال كعدنه مسطرين وبابا وامي كاعدين مقابيلنه لزمت كلبي بأيدي من شفت ابوي يباوع النا بحيره اعرف هاي النظره وراها شي وشي جبير

تحمحم وبدا يحجي
ابو وتر : اني جمعتكم حتى احجي وياكم انتو بعد كبار كلكم مو صغار وتفتهمون عليه راح احجي شي بس ماريده يطلع منا ومحد يعرف بي مفهوم لان حياتنه مقابل هل سر اني ما ردت انتظر كلت احجي احسن حتى ناخذ حذرنه من هل ناس اسمعو بابا ولا تخافون من الراح اكوله

الكل ساكت منتظرين ابوي يحجي خوفنه بكلامه
ابو وتر : بيت جابر

مجرد ما كال اسمهم احس كلبي صار يدك سريع جسمي رجف بلعت ريكي ورجعت اركز بكلامه