في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
احببتكَ لدرجة أنني ختمت
القرأن لكي تكونَ من نصيبي
وأنتَ ماذا فعلتّ لي ؟!
"زهراءالهاشمي"
~~~~~~~~~~~~~~~~~~~~~
يوسف : صدك ليث متقدم الج ؟
نصدمت من كلامه ما عرفت شحجي شنو منو متقدم ليث متقدم الي اني ؟؟
شلون وشوكت معقوله ؟ شعور غريب صابني ممزوج بفرح حاولت اسيطر على نفسي وما ابين اني فرحانه
وتر : شنو هذا الحجي يوسف منو كال
يوسف : يعنى افتهم من كلامج انتي متعرفين بالموضوع ؟
وتر : هسه سمعت من عندك والله
يوسف : زين اذا تقدملج ليث توافقين
وتر : هذا الموضوع اهلي يقررو مو اني
يوسف : ماشي هاي هيه يلا مع السلامه
سد الخط وخلاني بحيرتي
ساعه اني صافنه افكر بكلامه ليث صديق قيس متقدم الي لو غيره يربي هسه شلون اعرف زين يوسف منين عرف معقوله ليث حاجيله ؟؟
لا لا ممعقوله منين يعرفه اصلاً خاف سامعه اهوو كافي وتر شسالفه خل افكر عدل صفنت شوي وطفرت
وتر : اييي لكيتها وين الجهاز
اخذت الجهاز واتصلت على وسن اخت يوسف
وتر : الوو هلو
وسن : الو هلو حبيبتي وتور شلونج كلبي
وتر : الحمد لله انتي شلونج
وسن : الحمد الله حبيبتي
وتر : اتصلت عليج اريد اسئلج سؤال بس حبابه يبقى بيناتنه
وسن : كولي شكو خوفتيني
وتر : هسه اتصل عليه يوسف وكال صدك متقدم الج ليث وهذا ليث يصير صديق اخويه واني ما ادري بالموضوع سمعت من يوسف هوا منين سمع ما تعرفين ؟
وسن : ياا ما تدرين مو شوفي ابوج مسولف الامج على هذا ليث متقدم الج ورافضي اهلج وامج من اجت يمنه اني جنت كاعده وسولفة الامي علىّ وصدفه يوسف سمعها من تحجي على ليث واني شفته من سمع الكلام بوقتها خلا وطلع من البيت بدون ميحجي شي
بقيت بصدمه كل هذا واني ما اعرف وامي وابوي يعرفون وما كلولي زين ليش رافضين ليث ؟ اترخصت منها وسديت الخط بقيت بحيره فكره تاخذني و وفكره تجيبني
اخر شي كمت راسلت صديقتي تصير جوارينه
وتر : هلو
-هلو والله بوتر شلونج شخبارج
وتر : الحمد الله انتي شلونج
-الحمد الله شعجب مراسله هيج وقت ؟
بسرعه سولفت الها على سالفه ليث واهلي ليش رافضي
-شوفي وتر اكو شي انتي متعرفي وهو ميعرفه حاولي تحجين ويا وتفهمين منه واذا عنده وحده غيرج متأكده راح يصير كلام بينكم بس مينطي بيج ولا يسوي شي مو زين مبين ولد تعبان على نفسه وانتي بنفسج تكولين هوَ سر اخويه واخويه سره
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
