في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
شحلاتك من تكض چفي
وتكلي اليوجعنك
يوجعن كلبي.
~~~~~~~~~~~~~~~~~~~~
اجا يوم العرس وجنه كلش فرحانين بحيث الكل حسو عليه من فرحتي وفعلاً جنت فرحانه وفرحتي ما انطيها الاحد اصلاً مو مصدكه اهلي وافقو وراح نزوج اني وليث
حتى ليث بنظراته اليه جانت عيونه تلمع وتضحك
بنفس الوقت فرحتنه مجانت تنوصف
ما قبل يسوي عرس بسيط أصر عليه اله
يسوي بالقاعه وعزم كل اهله واقاربه واقاربي
اني جنت فرحانه ومقهوره لأن راح اعوف أهلي وبنفس الوقت جنت خايفه من المسؤوليه بيت وحد واهله ملحكت اعرفهم يادوب كملنه الشقه وراها حددنه موعد العرس علمود دوامه
بالعرس هوايه ناس اجو من اهله وصدقانه واقاربي بس جانت اكو غصه بداخلي كل ما التفت اشوف اقاربه احسهم مو فرحانين مثل العالم بقيت اباوع بعيونهن وأشوف ماكو فرح جانت نظراتهم مو طبيعيه احس على ساعه
يهجمون عليه وياكلوني عيونهم مليانه حقد
وخبث بس ما همني اكول ميخالف المهم
هو واني وخلص
اباوع الكل فرحان ويركص ما عدى امي واكفه تباوعلي من بعيد واحسها تريد تبجي إشرت الها تجي يمي
ام وتر : ها ماما حبيبتي محتاجه شي
وكفت يمها
وتر : شبيج حبيبتي ليش ضايجه ما فرحانه
ام وتر : لا يمه شلون ما فرحانه كل ام تفرح من تشوف بنتها كبرت وتزوجت بس شلون راح اكدر افاركج
وتر : ماما لا تبجيني ترا هسه ابطل واجي وياج
ام وتر : يا عززا ولج وين تجين وياي هههههه
وتر : اي هيج اضحكي فدوه رحتلج
ام وتر : يمه بنيتي
حضنتها وابوس بيها سمعتهم كالو يلا نزفهم شديت
حضنتي الامي خوف وتوتر حتى بطني
احسها مغصتني همست امي بأذني
ام وتر : سمي باسم الله وتوكلي بنيتي ولا تخافين باجر اني من الصبح اجيج
هزيت راسي ساكته اجا ليث لزم ايدي وهمس
ليث : ليش ايدج ثلج بردانه
هزيت راسي بلا طلعنه ركبنه بالسياره وجان يسوقها صديق ليث الطريق كله اخذو يهوسون وكل شوي يرمون
ما وكفو الحد ما وصلنه للشقه نزلت وياي خالتي وامي صعدني للغرفه حجن هواي وما افتهمت من كلامهن شي بس اهز براسي
دخل ليث امي ترخصت وراحت هوا جان مبتسم
ليث : جوعانه جبت عشه كومي غسلي وتعاي نتعشه
هزيت راسي وكمت اخذت ملابس ورحت للحمام همزين سحاب البدله بسرعه نفتح غسلت وجهي وفتحت التسريحه
بدلت ملابسي وطلعت لكيته فارش السجاده
وحده ورا الثانيه التفت عليه
أنت تقرأ
في قلعة الرُسحان
قصص عامةفتاة بين شباب تعيش الخوف وحدها تتحدى اقوى المواقف لتخرج منها تحب وتتزوج لكن ؟!! ماذا سيحدث وراء هذا الحب هل ستدفع ثمن اختيارها ؟! أو للحكاية بقايا
