في قلعة الرُسحان

Part 26

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

نسيت الروح يمك ونت روحي
تروح شلون مني ونت روحي
تضل انت حبيبي ونت روحي
وتضل رغم البعد عشق روحي

~~~~~~~~~~~~~~~~~~~~~

متحملت كلامه عفته ودخلت للغرفه عليهم
اول مدخلت ليث ابتسم بوجهي جانو ماما وبابا كاعدين يمه ويسولفون من دخلت سكتو والتفتو عليه

مسلمت عليّ عفته ورحت كعدت بس بقيت اباوع عليه واخزره هو من شافني هيج ما سلمت حجه

ليث : شلونج

مجاوبته عفته
ام وتر : شبيج ماما ليش ساكته وبعدين من دخلتي ليش مسلمتي على زوجج

هم مجاوبتها عفتها
ليث : خليها على راحتها لتضغطون عليها

اني من كال هيج بسرعه وكفت كمت اصيح عليه واعيط
وتر : انت اكثر بشر اني حاقده عليه ومستعده اشوف دم سنوني وماشوفه شكو شعندك اجيت هنا تريد تموتني وتاخذني غصب منهم روووح ما اريدك روحي

كام وكف وامي اجت عتتني من ايدي حتى اسكت
ام وتر : شنو هالحجي وتر اسكتي

تقرب بابا اخذني بحضنه
ابو وتر : شبيج بابا شنو صاير شي ليث مسويلج شي احجي بنيتي لا تخوفيني عليج

بقيت ابجي واني بحضنه
وتر : دمرني ودمر حياتي بابا ما اريده خل يروح منا ما اريده

ليث : غير اعرف شلون اني دمرتها والله ما اعرف شنو اسوي علمودها هالفتره كلها اني متحمل كلامها كله تجريح واني ساكت اكول ميخالف مو بيدها ويمكن تعبانه

وتر : قصدك تعبانه لو مخبله

بقه صافن عليه ما حجى شي
وتر : اي مخبله مو هذا الي جنت تريده حتى تخلص مني وترجع لاهلك وتاخذ من اقاربك مو اتفقت عليه وياهم هيج تسوي بيه لأن مرتين فتحت موضوع الاطفال ويايه واني اكولك ماريد هسه

وتررا هااا سمعتك تحجي وياها بالتلفون لخالتك تكوللها ميخالف بس هي متريد غير الحجي الي اسمعه منهم من يجون يمي وابقى ساكته واكول الخاطرك اتحمل واسكت بس بعد كافي وصلت حدها وياكم

ليث : محد اله علاقه بهالموضوع وكتلج اذا انتي متردين محد يجبرج على شي بس مال تكولين اني دمرت حياتج تره هذا كلامج مردوده عليج وهسه تكوليلي فوكاها انت اكثر بشر اني كارهته

ليش وعلى شنو علمود شغلة الاطفال طز بيهم ماريد طفل ولا اريد شي بس لتبقين تجرحين بكلامج وهمزين اهلج يمج ويسمعوج جان مصدكوني صار ساعه احجي وياهم وهمه ساكتين مصدومين اعرف محد يصدكني

وتر : اي محد يصدكك لأن انت كذاب

اجاني صوت امي عالي التفتت عليها
ام وتر : وترررر عيب شنو هالحجي شنو هالتجاوز من شوكت صوتج يعلى علينه لو على زوجج ومن شوكت وانتي هيج تفكرين اي واحد يحجي وياج تكوليله اكرهك شجاج انتي اذا بيج شي احجي تستحين من زوجج او تخافين
اني امج وهذا ابوج محد راح يخاف عليج بكدنه