في قلعة الرُسحان

part 33

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

وبستان الورد لولاك ماورد
يازفه عرس ضحكتك تالي الليل
وياعين الصكَر بالزعل من تحتد
يالتدلع غنج واليحب مو كَصاي
وانت اعله الچتل مبخوت تتكَـّصد

~~~~~~~~~~~~~~~~~~~~~

وراها ما طول هو بدقايق خابرني انتبهت
بعد ما قره الرساله بسرعه فتحت خط

ليث : شلونج

سكتت شوي وجاوبته
وتر : تمام انت شلونك ليث

ليث : الحمد لله قيس سولفلج شنو راح يصير

وتر : اي سولفلي كلشي

ليث : شتكولين انتي شنو رائيج بهذا الحل

وتر : تمام ماعندي مشكله بس انت مقتنع بالفكره لو لا اخاف بعدين تغير رائيك وتكول بسببج ابتعدت عن اهلي

ليث : شنو هل حجي هذا اني لو مامقتنع جان متفقت ويا قيس ولا طلبت منه يحجي وياج وتر اني احبج وشاريج واريدج والي صار موبيدي صدكيني مو بيدي اني تعبت ومليت صحيح فكرت بالانفصال بس فكرت علمودج لأن شفتج تعبتي وجودنه مع بعض بده يأثر علينه

وتر : اني هم اعذرك ويكفي انت بيوم من الايام سندتني ما انكر هل شي اني

ليث : خلص اني هسه راح اكولج شي مال يبطلون مراح يبطلون ماطول اني معفتج ولا طلكتج ولا انتي صار بيج شي موزين لا سامح الله بس اريد اطلب منج طلب من هسه قبل كل شي تبقين ويايه بهذا الوضع تتحملين منا لحد ما الله يباوع لحالنه

لو تردين كل واحد يروح بطريقه وصدكيني اذا فكرتي بالانفصال ميجي بالي انتي انانيه بالعكس انتي هاي حياتج وصحتج ومن حقج تخافين عليها مالومج على كل شي سويتي وعلى كل كلمه حجيتيها

اني من خليت نفسي بمكانج حسيت نار بداخلي من يجي شخص يأذيج ومتكدرين تحجين ومن تحجين ينكر والناس متصدك بهالامور اني وياج واحنا واحد من الناس هم جنه منصدك بهل سوالف هاي

لحد ما دمرونه بس اني ارجع واكلج فكري بكلامي قبل متنطين رأيج وصدكيني شنو تطلبين اني حاضر ومهما كان قرارج راح تبقى معزتج بداخلي وابقى احبج واشوفج مثل ما شفتج اول مره

هو يحجي واني ابجي على كلامه
وتر : تمام لعد انطيني مهله يومين افكر واردلك خبر

ليث : على راحتج فكري زين

وتر : ماشي مع السلامة

ليث : الله وياج

مرت يومين رجع قيس من الزياره واني اخذت قراري هاي هيه رحت كتبت اله مسج كامل بليل جان قراري نبقى سوه بس اني الي راح ابتعد عنهم وما اريد اختلط بيهم بعد