في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
نحنلكم ومابينه بعد
وانتو ومروتكم
تره موزينه صحتنه
يكون اخبارنه تهمكم
#رائد_ابوفتيان
~~~~~~~~~~~~~~~~~~~~
حسني كلبي هذا ليث ردت افتح خط وما حسيت بس الباب ندك ودخل قيس للغرفه رجف التلفون بيدي
بسرعه قفلته وشمرته على الجربايه رجعت
التفتت على قيس جان يحجي
قيس : ها شكلتي ؟
وتر : على شنو ؟
قيس : وتر عقلج وين صايره ما تركزين من احجي ؟
وتر : لا وياك مركزه بس جنت اشوفه الساعه شكد أذن الفجر لو بعده حتى اصلي
قيس : اي أذن مجاي اسمعين
وتر : اي سمعت كول حبيبي شنو جنت تحجي يعيوني
رحت حضنته وهو سحبني بحضنه يبوس براسي
قيس : اكلج سويت اكل تجين تاكلين وياي ؟
ابتعدت من حضنه
وتر : الف عافيه حـبيبي بس اني ما اشتهي اريد اصلي وارجع انام
قيس : براحتج لعد صلي ونامي
هزيت راسي باسني من راسي وراح طلع بس سد الباب كعدت بالكاع كلبي يدك سريع من الخوف
كمت طلعت توضيت واجيت فرشة السجاده وصليت كملت وكمت فتحت الباب تأكدت قيس ماكو رجعت شغلت الجهاز
رحت على سجل الاتصالات لكيته متصل الساعه بالوحده من رقم غريب وراجع متصل الساعه بـ3 الفجر واخر مره قبل شوي بالاربعه
بعده الجهاز بيدي ورجع دك نفس الرقم رجف كلبي
ترددت افتح الخط قربت الدكه تخلص بسرعه مديت ايدي وفتحت خط تمشيت كعدت على الجربايه ساكته
بقى ساكت اسمع بس صوت نفسه شوي وحجه بهمس
ليث : مشتاقتلج
نزلن دموعي بس سمعت صوته رجع حجه بهدوئ
ليث : اني اسف جنت تعبان وجانت عدنه مشاكل بالدوام والوضع موشي اتصلت عليج ماكو والرقم جان مشغول انتظرتج تخابريني هم ماكو استغربت ليش هيج تتصرف وياي
وتر : زين غير تسأل وتعرف وبعدين احنه مو متفقين نتصل بوقت محدد علمود اهلي ميحسون بشي ولا اني ابقى متردده
ليث : صحيح بس مدري ليش حسيت نفسي اريد اسمع صوتج احجي وياج جنت ضايج واجيتي انتي على بالي هالمره فعلاً جنت محتاج احجي وياج وعموماً اني اسف ماريدج تزعلين مني بس قبل كل شي أريد احجي وياج بشغله
وتر : شنو
ليث : اكو مبدأ من البدايه اتفقنه عليه اسمه ثقه شتكولين نبقي لو نشيله من علاقتنه اصلاً
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
