في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
عمر وعيوني بعيونك
وأنتَ عيونك لغيري
فضلتك على روحي
وضاع وياك تقديري
گول شقصرت وياك
وشتطلب بعد أكثر
على ذراعي تنام الليل
وأگول ارتاح وأنا أسهر .
~~~~~~~~~~~~~~~~~~~~~
سكتت شوي صافنه بوجهي بعدها تنهدت وجرت الكرسي كعدت وحجت بلا ما تباوع بوجهي
ام وتر : ماما ابوج بالشغل
صفنت بوجهه ما مقتنعه بكلامها
وتر : شوكت يجي اشتاقيتله هواي
ام وتر : كم يوم ويجي حبيبتي يلا روحي صيحي اخوانج وتعالو تريكو
هزيت راسي
وتر : اي ماما
عفتها ومشيت واني ما مقتنعه بكل كلامها احس اكو شي صاير وهي ضامه علينه ومتقبل تحجي جريت حسره ورحت صحت اخواني واجيت كعدنه نتريك
قيس : شبيك وجهك فالت
التفتت على جلال وجهه احمر من الضحك
جلال : ماكو شي بس تذكرت رعد من كتل صلاح خرب يومه لازمه من شعره وهذاك يكله بروح امك عوفني
قيس : ههههههه ورعد يرد عليه امي ما ميته ولك لا دكلي بروح امك
جلال : خرب يومهم أثنينهم تافهين
قيس : اي والله واحنا اتفه منهم كاعدين ونضحك على سوالفهم التافهه
جلال : هههههه بالضبط
أبتسمت على منظرهم صار زمان ما شايفتهم هيج يضحكون كمت غسلت الماعين وصعدت ادرس بغرفتي مر يومين
واجه اليوم الثالث وابوي ماكو بحياته ممختفي كل هل مده بدون ما يحجي ويانه
رحت وكفت بوجه امي واني دموعي على وجهي
وتر : باباااا ويننن ليش ما رجع الحد هسه
ام وتر : بالشغل ماما غيررر بالشغل
وتر : بابا صارله فوك الاسبوعين ماكوو يا شغل هذا يا شغلل
جرت حسره وتقربت مسحت دموعي
ام وتر : لا تبجين يروحي ابوج مسافر بشغل بس اني ما كلتلكم
وتر : ليش ؟
ام وتر : هو كال لا تحجين حتى من ارجع اجيب الهم هدايه مناك
سكتت بس ما مصدكتها احس اكو شي صاير واحساسي ما يخيب عجزت واني احاول افهم امي عفتها وطلعت مرت الايام ونفس الشي ابوي ماكو
كاعدين بالحديقه ندرس وبلا ما احس اخذتني الصفنه واني افكر وين ممكن بابا يروح معقوله صاير ويا شي وامي ما تحجي تخاف نعرف
فززني من صفنتي جلال وهو يشمر عليه القلم
جلال : الوو وين صافنه صار ساعه نحجي وياج
بسرعه حجيت بدون مقدمات
وتر : قيس بابا ما مسافر
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
