في قلعة الرُسحان

Part 10

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

الخوف الگلت راح يروح وياك
متوقعت كله يصير منك

~~~~~~~~~~~~~~~~~~~~~

جلال : وتر ؟

بسرعه هوو دنك شال العصير وعبرني وراح بدون ما يلتفت على جلال تقرب جلال عليه وحجه بتسائل

جلال : منو هذا ؟

وتر : مـ ما اعرف بس شفته وكع العصير من ايده بالكاع ودنك اخذه وراح

جلال : خوش يلا امشي خلصتي شغلاتج ؟

وتر : اي اي يلا نروح

ما صدكت نطلع من الاسواق شرجعك سيف شرجعك الله لا يوفقك الرجفه الحد هسه بجسمي بس وصلنه للبيت عفتهم وصعدت الغرفتي نمت بسرعه هذا طبعي بس انقهر لو اضوج الف راسي وانام

مشت الأيام تشبه القبلها نسيت سالفه سيف وبعد ما طلعت من البيت بس ليث ما نسيته ما اعرف ليش دوم افكر بي

جان قيس بكل مره ينزل من الدوام يشوفنه صورهم بالتدريبات لو من يطلعون لو يشوفنه المكان الموجودين بي

ليش ما بيوم جان اكو صوره واكف قيس ومجموعه شباب جان من ضمنهم ليث موجود بقيت صافنه على شكله مدري ليش بقيت مركزه عليه

من دون البقيه مو قصه جمال جان اكو احلى من عنده بس الجذبني بصورته شي غريب حسيت شخصيته مميزه من بينهم بقيت اشوفها الحد ما نحفرت ابالي

مرت السنين وتخرج قيس وكل احنا فرحنه
بتخرجه اول واحد بعائلتنه يتخرج
جلال كمل دراسته بالمعهد
واني بعد ما رجعت للدراسه كرهتها وسيف ما شفته من اخر موقف صار بالاسواق اختفى بعد

قيس زادت علاقته ويا ليث حتى اهلي صارو يعرفونه ومن يتصل يسلم عليهم ويحجي وياهم

كل هذا واني من بعيد اراقب واسمع واكتشفت ليث ما يعرف قيس عنده اخت عباله بس اربع اخوان ولد ما عدهم بنات

كاعدين العصر اني وامي نشرب جاي وناكل كيك
جان يدخل جلال مستعجل
جلال: اجوي خطار بسرعه جاي

ام وتر : منو يمه

جلال : جماعة قيس بس وياهم ناس

ام وتر : هلا بيهم هسه احظر الضيافه

وكفت امي تحظر الضيافه جاي كهوه مي تقريب للمغرب يلا طلعو دخلو الولد يسولفون

ام وتر : شكو شيردون هذول

قيس : هذا منتظر صديقي بدوام عرف عندي اخت اصغر مني واليوم اجا وجايب اهله حتى يخطبون وتر

ام وتر : زين همه منين شكد عمره

ابو وتر : من غير محافظه وولد عشاير قيس يومين ورجعله الرفض