في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
تعال أشمر حچاية وگول مشتاك
لتحسسني يَمك مالي قيمة
لتخليني أتاني و جرحي مَفتوح
مثل فَطر الحياطين القديمة
~~~~~~~~~~~~~~~~~~~~~
ليث: تمام لعد كلش كافي الي صار وانتي بديتي تشكين بيه وتغير اسلوبج ويايه بكل شي خلي شغله أبالج واسمعيها زين الثقه اذا انعدمت بين الزوج والزوجه معناها زواجهم فاشل
وتر ببرود : ماشي اني هم هيج اكول كل واحد يروح بطريقه احسن ولتنسى من البدايه اني كتلك خل ننفصل بس انت بقيت ترفض ما اعرف شنو السبب اني ما انكر وكفتك ويايه ولا مساندتك الي بالعكس يمكن هالشي هو الي خلاني اتغاضى عن هوايه امور واكول ميخالف متسوه اعاتب
ليث : مثل ما تحبين اني راح اوديج يم اهلج وهالاسبوع افض كل شي وكلمن يروح بطريقه
وتر : ويكون افضل اذا محد يعرف وهالشي خل ننهي بيناتنه ماريد احد يتدخل بيني وبينك ولا يأثر على قرارك او قراري خلينه نتصرف بدون تدخل اي احد
ليث : خلص الي تردي يصير
تركته وصعدت فوك حظرت جنطتي اخذت كلشي يخصني متركت شي بالغرفه خلصت ونزلت جان كاعد على القنفه صافن وبيده الجكاره
وتر : خلصت تكدر توصلني
هز راسه وطفه الجكاره رفع راسه شافني ماخذه جنطه جبيره صفن عليها
وتر : احم شنو راح اضل صافن هيج
بتنهيده
ليث : امشي يلا
طلعت ويا طول الطريق ساكتين محد بينه اله نفس يحجي وصلني بالباب بس نزلت شخط السياره وراح دكيت الباب فتحه جلال ونصدم من شافني وحدي
جلال : هلا والله بوتر شعجب جايه وحدج ؟؟
وتر : لا ليث وصلني وراح لان مستعجل عنده شغل
جلال : ها الله ويا تعاي ادخلي جوا هسه امي تفرح بيج
دخلت جوا سلمت على اهلي ما حجيت شي الهم فقط كلت وتر : عنده واجب وراح مستعجل
ام وتر : الله ويا
سكتوا محد علق على كلامي بقيت يم اهلي اسبوعين وليث لا اتصل ولا تصرف بشي استغربت وين يريد يوصل هذا صافنه وافكر بليث ما حسيت بس ايد على جتفي التفتت واشوفه قيس
قيس : وين صافنه الحلوه
وتر بأبتسامه: ماكو شي حبيبي
قيس : شبيكم انتي وليث
تفاجأت بسؤاله خفت ليث حاجي شي
وتر : مابينه شي
قيس : متأكده حبيبتي
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
