في قلعة الرُسحان

Part 21

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

موبيك الذنب لاكل ذنب مابيك
اني الچلبت تچلوبت العميان

~~~~~~~~~~~~~~~~~~~~~

جلال بتردد : ماكو شي ادخلي جوا جانو يخابرون قيس وتدرين كلما يسافر ويخابرهم يبجون عليه ..

-بقيت ساكته مجاوبته دخلت للاستقبال
وشفت الصدمه
عرفت ليش جانو يبجون ...

-لكيت ليث كاعد وراسه ملفوف ورجله وايده بيها كانوله من شفته بقيت جامده بمكاني متحركت نطقت الكلمات ..
واني بنص صدمتي حبيبي هذا وزوجي مصار اسبوعين من تزوجنه شلون هيج صاير بي ..

وتر : والله عرفت .. اجه اخويه وكف يمي وهوا يواسيني على مصيبتي الكدامي ..

جلال : تعالي دخلي مابي شي والله وهو ميكدر يوكف

ليث : تعالي مابيه شي بسيطه لتخافين .. ويأشر بيده تجي يمه

وتر : بجيت متحملت ومشيت العنده .. يا بسيطه شبيها رجلك وراسك شبي شلون صار هيج وياك ..

ليث : ماكو شي شضايا بسيطه لا تخافين

وتر : بقيت ابجي ومكابلته .. شلون ما اخاف شوف نفسك راسك وايدك ورجلك كلها ملفوفه بشاش

جلال : لتخافين هو طك عليه لغم وضرب رجله وايده

وتر : باوعت على رجله شفتها نفس الي حلمت بيها من جانت كلها دم .. يعني من خابرتك جنت متصوب مو وما كلتلي ..

ومن اكلك شبيك دكول ماكو شي ..
ليش هيج تسوي بيه ليث ليش ..

ليث : اي وخفت عليج لأن ما اعرف شنو راح يصير بيج وانتي محد يمج وخفت هم بالج يودي ويجيب شنو موقفي اذا صار بيج شي انتي سكتت ما حجيت ..

وتر : كاعده مقابيله وابجي اجت ماما

ام وتر : كومي يمه عليمن هسه تبجين بيش تفاولين للرجال هاي كدامج والحمد لله رجع سالم

وتر : ماما ختى انتي جنتي تعرفين وما كلتيلي

ام وتر : غير خفنه عليج يا ماما .. ويلا كمل الغده تعالو اكلو كافي بجي

وتر : كمت رحت وكفت يمه سندته حتى يكوم بس ما كدرت وحدي اجا جلال سنده وياي ..

كعدنه ناكل وهوا بصفي ..اباوع عليه كوه اكل واني مأكلت شوي

خلصت كمت من الاكل رحت غسلت الماعين واجيت كعدت يمهم بالاستقبال بعدها الرجفه بيه من اول مشفته بهل حاله ..

ليث : اريد اروح للبيت ارجع ..

ام وتر : لا متروح شلون تصعد وانت رجلك مضروبه ابقو هنا يمنه