في قلعة الرُسحان

Part 4

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

التوبه أعاشر ناس موش اعله طبعي
حتى من أطيح بظيج ماأعض أصبعي

~~~~~~~~~~~~~~~~~~~~~

بديت اضوج منها اني اصلاً ما طايقتها وخايفه منها اخير شي طك كلبي بعد ما اتحملها لان صارت ما تخليني اقراه وتلهيني حتى درجاتي نزلت
قررت وهاي هيه رحت الامي وحجيت الها

وتر : ماما ماريد ضحى بعد اني خايفه منها وانتي تعرفين اني ما احب اقرا ويا احد احب اقرا وحدي وهيه بس تحجي مجاي تخليني افهم شي وجاي اخذ درجات ناصيه وحتى المدرسه مال الرياضيات كالت نازل مستواج

ام وتر : من تجي احاجيها صعدي كملي قرايتج انتي ومعليج بعد بيها وركزي بدراستج

فرحت بكلام امي وفعلاً ثاني يوم اجت طلعت الها امي
رحت وكفت بالمطبخ اباوع الها من الشباك

ضحى : شلونج خاله

ام وتر : هلا حبيبتي انتي شلونج

ضحى : زينه وين وتر جا ؟

ام وتر : حبيبتي وتر ابوها شاف درجاتها نازله ومنع منها اي احد يجي من صديقاتها وعاقبها وصار هوَ يدرسها وانتي بعد لا تجين اقري انتي هم وشدي حيلج لا تلتهين بالعب بنيتي هذا مستقبلكم

اباوع ما حجت شي خلت وراحت الحمد الله صارت متجي للبيت بوقتها غبت يومين ما داومت ثالث يوم عاد كلت خل اداوم شتريد اسوي مثلاً

داومت ثالث يوم لكيتها منتظرتني بالباب
مال المدرسه بس وصلت كالت
ضحى : اعرف ليش مترديني اجي يمج

وتر بخوف : لا اني ما احب اقره ويا احد وما اريد الهيج وياي لان اني مرات انام هيج وقت

ضحى : اي اي فهمت عود

عافتني وراحت بس حسيتها ما صدكتني
خلص الدوام وهيّ بعيده متحجي وياي ابد بالطلعه جاي امشي وحدي بس اعبر مكان المدرسه

بشوي يصير الشارع هدوء والدنيا ظهر ماكو بس الهوا بهاي المنطقه بحيث اذا اعيط محد يسمع صوتي لان ما مبنيه ولا بيها ناس اصلاً بختصار مهجوره

حتى نصها جانت ملغمه لان اكو طريق جان يفوت بي يوميه رتل امريكي حتى ينفجرعليهم لغم او من ينزلون يتمشون ينفجر عليهم مجنت اعرف اذا هذا الحجي صدك او لا بس جنت اسمع من بنات المدرسه

كملت طريقي وصدفه لمحت من بعيد عمامها الضحى جان سيف وامير الاصغر من عنده يباوعون بتجاهي ما اعرف شصار بيه

لزمت جنطتي حيل ومشيت على السريع اريد بس اوصل للبيت اول مشفت بابنه بسرعه دخلت وركعت الباب حيل على الصوت طلعت امي من باب المطبخ