في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
الحيطان منخل والدروب حفور والبيبان
صرخه بلا صدى ولاصوت صفنه
كمبره بوحشه مسية كبور ووجوه
الصغار الحاضنه الشباج
~~~~~~~~~~~~~~~~~~~~~
وتر : منو يا حب ؟
ضحكت بمياعه وكملت كلام وهيه تغمز
ضحى : عمي الحب سيف
من حجت هيج جسمي كله رجف أريد بس اسيطر على نفسي ما كدرت بس احد يكلي شبيج ابجي واصررخ شكاعد تحجي هاي كوه سيطرت على نفسي وبقيت ساكته
ضحى : تره هوَ جان يريدج تكملين ثالث ويجي يخطبج والبارحه من اجيتكم كال جيبيلي رقمها يريد يبقى على اتصال وياج
وتر : بس اني ما عندي رقم
ضحى : لعد هسه اكله واخلي يجيبلج رقم بس هاا لتخلين اهلج يدرون لحد ما تكملين ثالت ويخبطج خوش
صفنت هاي شجاي تحجي بدون وعي مني كتلها
وتر : بس اني مخطوبه
رفعت حاجبها بصدمه وعاطت بوجهي
ضحى : شنوو المن وشوكت
وتر : أي مخطوبة الأبن خالتي
ضحى : لعد وين حلقتج اذا هيج وبعدين من سئلت صديقاتج كالن منعرف وهيِ ماعدها لا علاقه ولا مخطوبه
وتر : اي محد يعرف مخطوبه بس اهلي واقاربي وهسه انتي عرفتي
ضحى : هاااا خاف متردين عمي وجاي دكولين هيج
ما عرفت شنو ارد دنكت راسي وحجيت مستعجله
وتر : بعيدن نحجي هسه خل اروح للدرس تأخرت يلا باي
عفتها ومشيت رحت للحمامات اخذت بطل المي من جنطتي غسلت وجهي وأيديه ما احب اغسل بمي الحمامات أوهوس من المي الهنا من هيج اجيب وياي بطل مي بالجنطه
خلص الدوام بالف يالله ما طايقه ابقى هنا ولا ثانيه كارهه المدرسه بس من وراهم راح اتخبل منهم ما اخلص منهم اني شلوون يربي ساعدني واكفه أباب المدرسه انتظر ابويه شوي واجا صف السياره رحت صعدت يمه
وتر :السلام عليكم
ابو وتر :وعليكم السلام باباتي شلون جان يومج بالدوام
وتر : يعنى زين
سكتت ما حجيت بعد الحد ما وصلت للبيت بس نزلت من السيارة رحت الغرفتي ابدل ملابسي اخذت المنشفه ورحت للحمام اسبح اريد بس احس ببرودت المي على جسمي
طولت واني بالحمام شوي وحسيت الباب يندك
ام وتر : ماما وتر انتي زينه
وتر : اي ماما زينه بس دخلت اسبح لان الجو حار متت من الحر
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
