في قلعة الرُسحان

Part 24

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

قد تگون الدموع
هي المتنفس الوحيد
لتعبر به عما بداخلگ
سلامآ علي عيون لمع فيهآ
الدمع فخانهآ وسقط

~~~~~~~~~~~~~~~~~~~~~

الشيخ : لعد خل تسمعني زين راح احجي شي يخصها ويخصك

ليث : تمام تفضل

الشيخ : اول شي عليكم عمل

ليث : شلون ومنو هذا ؟

الشيخ : مشربيكم وانت ماخذ حصة الأسد لأن زوجتك شاربه منه بس مو هوايه وجانت حاسه ولهذا شربت شي قليل والعمل جانو مخلي باللبن

من حجه هيج اني اتذكرت ما اعرف ليش اجت
على بالي خالة ليث بس بقيت ساكته ما حجيت

اذكر مره خالته كالت اني اسوي غده وبوقتها
اني ما قبلت بس هي من لحت عفتها تسوي

اجت شايله الصينيه وخلتها على الميز
خالته : تفضلو خاله تعالو اكلو

تقربت بس ما ادري ليش لعبت نفسي ما اكدراكوم
هسه دكول ضاجت لان طبخت ولا اكدر ابقى كاعده هي حست عليّ بسرعه حجت

خالته :اكلي خاله ليش صافنه

وتر بتوتر : هاي اي

اخذت شربت شوي من اللبن وبقيت اكل مقبلات
اباوع على ليث ياكل وشرب اللبن الكلاص خلصه
ليث : عاشت ايدج خاله تعبانج اليوم

خالته : لا خاله لا دكول هيج تدلل انت ابن الغاليه

ليث :فدوه الكلبج خاله

نصدمة من كلام الشيخ شلون عرف هيج
رجعت للواقع اسمع كلام الرجال
الشيخ : هي تعرف منو هيج سوه وحلمانه بيهم وشايفتهم اكثر من مره

ليث باوع عليه واشرلي عود يعني منو هذوله
أشرت براسي ما اعرف

الشيخ : الناس هذوله من دمك مو من دمها حتى لتشك بيها او بعائلتها وهذوله الاشخاص مراح اكول منو حتى متصير مشاكل لأن ماكو دليل ملموس والسحر انتو شربتو ورحتو بعد بس حاولو تتحذرون منهم

ليث : غير نعرف منو هذول حتى اعرف شلون اتصرف

الشيخ : اسألها بيمن شاكه ومنو واتحذرو اني الي عليه سويته

ليث : زين يصير نتعالج منه اني اريد حل حياتي صايره بس مشاكل وما جاي نستقر

الشيخ : راح احاول اساعدكم اني وماقصر

ليث : ممنون منك شيخ

الشيخ : راح ادزلك علاجات بيد صاحبك لأن متكدرون تجون الي أكيد

ليث : مو مشكله حتى لو اني احاول اوصلك

الشيخ : لا لتجي ادزلك العلاجات والله كريم بس التزمو بيهن وحاولو متتعصبون هالفتره لأن العمل صارله هوايه ومرات من يتأخر ونعالجه يبدي يخبث ويه الشخص يعني مو بسهوله تتعالجون