في قلعة الرُسحان

Part 22

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

ياحسرتي تباعدي
ويابسمتي الضاعت تدني
اخ مني
واخ مني روحي
الكظت هذا العمر بس بالتمني

~~~~~~~~~~~~~~~~~~~~~

واكفه كدام المرايه واباوع البطني
منفوخه مثل الحامل خليت ايدي على
بطني اتحسس ليش هيج صايره

:- شجاي تسوين

التفتت واشوف خالة ليث أباب الغرفه مبتسمه بخبث شكلها جان مقرف ومخيف بشكل

وتر : خاله وين ليث ؟

تقدمة عليه جان بيدها سجين بدون متحجي ولا كلمه
شكت بطني وطلعت الطفل واخذته وراحت فتحت عيوني بصدمه وصرخت

وتر : لاااااااااا

فزيت مرعوبه من الحلم الشفته درت وجهي بالغرفه محد يمي وخرت الغطه وطلعت رحت توضيت

ورجعت للغرفه رحت فرشة السجادة وكفت اصلي خلصت كعدت اسبح (تسبيح الزهراء)
رجعت بيه ذاكرتي البارحه شلون ضربني

وتر : بدت حياتي تصير جحيم ما جنت متوقعه بيوم من الايام انضرب ولا من منووو ؟؟

من الشخص الحبيته اكثر من روحي من الجنت
معتبرته حبيب وصديق واهل

اني بحياتي ممضروب ما اعرف شلون
كدرت اسكت وما احجي شي

بعد ما اول مره ضربني بيها بوقتها ما اعرف شلون سكتت كلت ميخالف نفسيته تعبانه ما اعرف ها اني لو مبدليني

يعنى اني هم جنت متحطمه بداخلي وتعبانه وجاي يشوف هوا شلون اني جاي اذبل ليش هيج يسوي بدال ما يحتضني ويطمني يضربني ؟

كعدت صليت وبقيت صافنه سجتت
وحجيت ويه رب العالمين ماعندي غيره اشكيله 

وتر : ليش كل فتره بحياتي من أريد ارتاح ويصير شي حلو بيها لازم تطلع اليه شغله تنغص عليه فرحتي ولازم ابجي يارب ساعدني وبرد كلبي ما الي احد غيرك يارب العالمين ساعدني

صرت احس نفسي استعجلت بالزواج
ولهذا السبب هيج صار بيناتنه
بعدين اكول لا اني ماعندي حظ
بعدين ارجع استغفر ربي
واكول لا هذا ظرف وينتهي وترجع حياتي طبيعيه

جان تناقض جبير بين عقلي وكلبي

بدت حياتنا تتغير بعد شهر من الزواج
كمل عمليته مال رجله والحمدلله بده يتعالج ويستجيب للعلاج

بدا ليث يتغير شوي شوي واني هم صرت
اتغير عصبيه 24 ساعه وما اتحمل كلمه

وبس يحجي وياي اعيط بوجهه ومنتفاهم على طول مشاكل وصياح وتنتهي العركه اعوفه وادخل الغرفتي ابقى ابجي
مرات من انهار هو يعزل نفسه عني