في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
هلا بحيلي وبعد حيلي
ضوه ؏ـيونيہ وسهر ليلي
~~~~~~~~~~~~~~~~~~~~
ام ليث : خالتك رجلها ميت صارله اربع سنوات و
هي عدها بس هل بنيه اخذها تفيدك ومنك وبيك ميصير تعوفها هيج وهي يتيمه البنيه وحبابه وانت شايفها
عفتها تكمل كلامها على راحتها شغلة جكاره وهزيت راسي
ليث : ماشي اني افكر بهالموضوع هسه عندي التحاق من انزل الله كريم
عفتها وصعدت تمددت بفراشي واني افكر بكلامهم اخذ غريبه متتحمل مشاكلي ويا اهلي لو اخذ وحده تعرفني وتعرف مشاكلي ومتعوده عليها
استغفرة الله ونمت ثاني يوم التحقة
مرت الايام تشبه القبلها
كاعد بالمكتب وافكر بوتر وبكلام امي اخر شي كلت هاي هيه طلعت الرقم واتصلت عليه لو بالهدف لو بالنجف
ليث : الو السلام عليكم
:- وعليكم السلام ابني
ليث : شلونك عمي اخبارك
:- الحمدلله بخير ونعمه انت شلونك صحتك
ليث : الحمدلله الله يخليك ردتك بموضوع بخصوص انعام
:- صدك جذب مو تدلل كبع واخذ انت
ابد لتفكر بالرسميات البنيه الك وتدلل
ليث : تمام رح انزل بعد كم يوم وراها يصير خير
:- مية هلا بيك ابني تنزل بالسلامه
ليث : الله يسلمك مع السلامه
غلقته من عنده واتصلت على وتر
ليث : شلونه الحلو
وتر : هههه الحمد الله انت شلونك
ليث : من سمعت صوتج صرت بنص الخير
وتر : احم ليث شوكت تنزل
ليث : باجر
وتر : تنزل بالسلامه
ليث : الله يسلمج يلا روحي نامي تأخر الوقت
وتر : تمام تصبح على خير
ليث : وانتي بخير
غلقته من عدها واني فكره تاخذني وفكره تجيبني طلع الصبح واني ما نايم بعد ما بيها مجال اكوم انزل للبيت احسن كمت غسلت ولبست ملابسي واخذت جنطتي وطلعت ركبة السياره ورحت للبيت بس وصلت جانت الساعه 10 الصبح
دخلت للبيت لكيت بس امي بالمطبخ
ليث : الله يساعدهم
ام ليث : هلا يمه صباح الخير الحمد الله على سلامتك
ليث : الله يسلمج حبيبتي صاعد انام حيل تعبان وما نايم لحد يكعدني
ام ليث : روح يمه
أنت تقرأ
في قلعة الرُسحان
قصص عامةفتاة بين شباب تعيش الخوف وحدها تتحدى اقوى المواقف لتخرج منها تحب وتتزوج لكن ؟!! ماذا سيحدث وراء هذا الحب هل ستدفع ثمن اختيارها ؟! أو للحكاية بقايا
