في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
جنت ما أعوفـه
اليسولف بيك أحبـه
ومن يريد يروح أگله
ابقى شورانـة
هسّة گمت أشرد إذا بيك السوالف
كاتل أندلوا مُكانـه
" ما تهمني للأمانة "
~~~~~~~~~~~~~~~~~~~~~
خلص ريوك وكام وكف
ليث : الحمد الله اني طالع كلبي محتاجه شي من برا ؟
وتر بحزن : وين رايح
ليث : يم جماعتي ما اتاخر شوي وارجع
وتر : تجي على الغده ؟
ليث : ما ادري اشوف يلا مع السلامه
وتر تنهدت : الله وياك
طلع وسد باب البيت ورا كمت نضفت المطبخ ورحت انظف الغرفه عدلت المخدات ورجع نفس الصوت يتكرر بالغرفه
:- مو كتلج ما يحبج ما يريدج شفتي شلون عافج وراح
بسرعه خليت ايدي على اذاني وصرخت
وتر : روح رووووووح ما اريد اسمعككك رووووح
:-قتلي لو قتلي نفسج حتى تخلصين تره راح تدمر حياتج ويتزوج عليج ويخبلج
بقيت اسمه هالحجي واستسلم وما عندي طاقه اجاوب
كعدت بالكاع مهدود حيلي
فجأة سمعت صوت ثاني يتعوذ من الشيطان ويكول بأذني
:-لا كومي انخي اهل البيت انتي مابيج
شي وانتي قويه بالله واهل البيت
فتحت عيوني واشوف مسدس ليث بيدي
نصدمة هذا شلون اجا بيدي شمرته على الجربايه
وكعدت بالكاع وحضنت نفسي
وتر : يارب ساعدني يا ربي لا تتركني وحدي يالله ساعدني
بقيت اردد يالله يالله ساعدني الحد ما فقدت الوعي
ما كعدت غير ورا شكد ما اعرف كمت رفعت راسي اباوع الساعه بـ 3 الظهر
فركت راسي احسه صاير طبل
وتر : هاي اني شكد صارلي هنا بالكاع
كمت رحت غسلت وجهي واجيت ليث بعده ماكو بقيت انتظره لليل يلا اجا جانت الساعه بـ 8 بليل كمت استقبلته من الباب
وتر : الله يساعدك متعشي
ليث : ويساعدج اي تعشيت ويا جماعتي
نقهرت واني من الريوك مماكله شي عبالي نتعشه
سوا سكتت ما حجيت
وتر : اها الف عافيه
ليث : الله يعافيج
عافني وراح دخل للغرفه عفته ما رحت وراه بقيت بالصاله كاعده واتابع فلم بس بالي مو يم الفلم اصلاً يم ليث اخر شي كمت طفيت التلفزيون ورحت للغرفه لكيته نايم نمت بصفة بسرعه غفيت
فزيت من النوم صايره نار من ليث وكارهته باوعت عليه لكيته نايم بصفي بقيت صافنه عليه نزلت رجلي من الجربايه ورحت دورت على المسدس مالته ما لكيته ماكو
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
