في قلعة الرُسحان

part 32

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

كل العيون كانت تقرأ
ألأ عيناك
كأنت
تمشي هنا علئ حافه قلبي
فأأين انتَ

~~~~~~~~~~~~~~~~~~~~~

قيس : شوفي جنت يم ليث وطرحت فكره على ليث وهو وافقني بيها وبقى بس رأيج وليث كال شوف وتر اخاف متتقبل مني الفكره انت حاجيها وبس توافق اني حاظر

وتر : شكو ؟ غير اعرف شنو الموضوع

قيس : الموضوع تكعدون بيت جديد انتي وليث ومحد يعرف المكان اهل ليث كلهم ما يعرفو وتبتعدون عنهم فترا عسى ولعل يبطلون او يملون منكم

خلص كلامه وسكت واني بقيت صافنه عليّ
وتر : زين شلون هيج الفكره قصدك نكعد بيت جديد ومندليهم مكان البيت ونبتعد لفترا حتى يبطلون او يملون او يشوفونه ابتعدنه حتى يتركون سالفة السحر هيج قصدك

قيس : بضبططط

فرحت بكلامه وبسرعه وافقت
وتر : ماشي موافقه زين ليث ليش محجه ويايه هوّ

قيس : ميخالف هو شافج شويه مالج خلك والفتره الي مريتو بيها كلش صعبه خلي هو ياخذ راحته وانتي هم اخذي راحتج شويه هدنه من المشاكل تره الواحد هم يمل مو قصدي يعني احنه ملينه وانما ماريد بعد تكبر السالفه والموضوع محد دايسيطر عليه

وتر : ماعندي مشكله واكثر من مره حجيت ويا ليث كتله خليني اني اواجههم واني الي احجي وانت اطلع من الموضوع بس جان يرفض هل شي وميقبل

قيس : ميفيد حبيبتي المواجهه صارت مرتين ونكرو المره الثالثه ممكن كل شي يسوون ويبلوج انتي لو زوجج ولا تنسين اليسون سحر اذا ما عندج دليل عليهم ما تكدرين تحجين حتى لو تعرفين هل شخص ساحرج

بس ما تكدرين تحجين ساعتها لو حجيتي منو يصدكج كلها راح دكول جذابه واحتمال حتى يخلون هل شي براسج ويكلون هي ساحره ابنه

وتر : ولهذا اني ساكته وماريد احجي كل مره ليث يتعصب علمودي اخاف يروح يسوي شي واخسره اني ساعتها ما اسامح نفسي

قيس : لا اني حجيت وياه وكتله خل بالك العالم كلها دتعاني من هالسالفه بس الحل الأنسب تبتعدون افضل الكم والنه وحتى احنه اهلج اذا فد يوم سببنه مشاكل الج وصل بيكم الحال للطلاك

لا سامح الله واحنه على باطل تخلي عنه وتر لأن الأهل اذا ميسندون ابنهم او بنتهم هذوله ميستحقون بعد يسموهم اهل والواحد مو كل مره يتحمل ويسكت كل شخص وقابليته واني شفتكم بعد مالكم خلك وحياتكم بدت تسوء ومنريدها توصل لمرحلة الانفصال

وتر : ماعندي مشكله اني هم تعبت وأريد اعيش مرتاحه اني هوايه افكر بالطلاك بسبب هالسالفه بس شنو بيدي قيس