في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
صحيح ابيني وبينك مسافات
لچن گربگ مثل روحي عليه
جبار_رشيد
~~~~~~~~~~~~~~~~~~~~~
كل فكري راح يعاند ويعصب بس صدمني من وافق على الطلاك التفت عليه وحجه بكل هدوئ
ليث : خلص براحتج اني سويت كل الي عليه وبصراحه بديت امل احس نفسي كل شي مسويت الج ولا لحياتي وياج وضعنه تعبان بدل ما يتغير للأحسن كام يصير للأسوء وبدت تصير عندي مشاكل بالدوام ومشاكل بكل مكان الي
خلص كلامه عافني وطلع تركتي بصدمتي هيج هنت عليه يعوفني وينفصل ولو حقه كافي الصار ويا بسببي من يوم زواجنه واحنا ما شفنه يوم راحه كل يوم مشكله ومرض شكل زين من عنده وتحملني كل هذيج الفتره
دخلت للغرفه وشبعت بجي وحدي لليل سمعت صوت الباب نفتح كمت اشوفه دخل هو واخو رجعت للغرفه غسلت وجهي وبدلت ملابسي
طلعت اخذت ضيافه ورحت سلمت على اخو قدمتله الضيافه ورحت كعدت مقابيلهم انتبهت على محمد اخو ليث يباوع عليه بنظرات غريبه حسيته ما مرتاح يفرك بأيده ويطكطك بأصابيعه من غير رجله التهتز وترني
شوي وبدأ يحجي بس جان متوتر وخايف من يحجي
محمد : احم اكول ليث عندي موضوع اريد احجي وياك بس ما ادري اخاف محد يصدكني وتصير مشاكل نوب
ليث :احجي خير شكو شصاير ؟
محمد : قبل اسبوعين اجتي خالتي وكالتلي اريد منك شغله بلكت تجي ويانه لمكان
ليث : اي يا مكان هذا ؟
محمد : هي من حجت كالت
:- مكان بي شيخ يصلح امور الناس عدنه شويه مشاكل بالبيت ونريد نشوف
محمد : شنو المشاكل خاله ومن شوكت هاي الاماكن تروحين الها انتي؟
:- مو اني هالفتره مريضه وكالو اكو ناس حاسديج روحي لشيخ بمكان *****يرقيج شويه ترتاحين
انتبهت على ليث عدل كعدته وحجه
ليث : اي وبعدين شصار ؟
محمد : الصراحه خفت ورفضت بسرعه
ليث : وهي شكالت من رفضت ؟؟
محمد : من رفضت كالتلي براحتك بس هالموضوع ماريد احد يدري بي ابد تدري العالم بكيفها تحجي واخاف يكولون عليه حجي مو حلو
بقينه اني وليث صافنين واحد بوجه الثاني منعرف شنو نرد عليه خصوصاً اني سمعت الموضوع وياه متحملت الكلام وكفت وكتلهم
وتر : اني صاعده لغرفتي من رخصتكم اريد انام شويه تعبانه
ليث : شبيج وتر ليش تعبانه
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
