في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
بـعيد انته
وبعيـد اني
وكل واحـد نصب تمثال
للـثاني بوسط گلبه
~~~~~~~~~~~~~~~~~~~~~
بعد مرور سنه
ما اشوف بس الشقه احتركت كدام عيني اريد اركض ادخل من باب الشقه حتى اطفي النار جان اشوف واحد واكف ينتظرني بس شفته شهكت وفتحت عيوني على وسعهن
نفسه اي نفسه هو هذا نفسه الرجال ابو الاسود
عفته ىركضت بسرعه دخلت للشقه واشوف العلويه صديقه خالتي واكفه داخل الشقه ركضت الها حسيتها حبل النجاة الي
وتر : خاله شوفي هذا يريد يأذيني هذا هذا
امسحت على شعري بهدوئ
العلويه : لتخافين
بس كالت هل كلمة وعافتني ودخلت الداخل البيت اكثر تقرا قرأن اباوع اشو النار صارت شوي شوي تخف عفتها وطلعت برا رفعت راسي للسماء وصرت اصيح
وتر : يارب انت ليش عايفني انت ليش ويا الظالم مو ويايه ولا تعرف شنو بيه ليش تاركهم يأذون بيه هيج ليششش
احجي وابجي مفرفحه ثواني وصار صوت رعد قوي وانفتحت السماء كلها صار يطلع الغيم بس بـ اسم الله
ركضت دخلت للشقه على العلويه اصيحها
تجي تشوف لكيتها موجوده
وتر : خاله تعالي شوفي شصار
اخذتها من ايدها اريد اطلع اشوفها جان المح الرجال
الحرك الشقه خايف وخاتل ورا باب الشقه عفته وطلعنه
العلويه : لتكولين الله ميحبج او بعيد عنج الله فتح الج بيبان السماء كلها اطلبي منه الي ترديه معناها سمعج هو العبد من يطلب منهيفتح اله باب واحد انتي فتح الج بيبان السماء كلها
وتر ببجي : اخاف اطلب منه اني حجيت عليّ
العلويه : لا اطلبي لتخافين لو ميريدج مجان فتح الج بيبان السماء
بقيت صافنه شنو اطلب منه بعدني اريد احجي اباوع السماء صارت تنفتح اكثر وصوت واحد يصيح
ليث : وتررر اكعدي شبيججج وتررررر
فزيت مخروعه لكيت ليث كدامي
وتر : ها
ما احس بس جرني حضني الصدره
ليث :خفت عليج احجي وياج احركج متتحركين ولا تتنفسين عبالي صار بيج شيييي
وتر : ما بيه شي بس جنت احلم
ليث : شنو الحلم
وتر : ما اذكر نسيته اريد انام ليث
ليث : يلا نامي حبيبتي ارتاحي
نمت وهو غطاني باس راسي وعافني وطلع بقى بالي يم الحلم الشفته اني شلون ويا هذا ما اخلص من عنده اووف ربي ساعدني
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
