في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
أنه المبيوك حلمه وضحكته ونبضه
انه السويت كلشي وما كعد حضه
~~~~~~~~~~~~~~~~~~~~~
واكفه بمكان ما اعرفه التفتت واشوف خالة ليث وياها هذا الرجال الكل مره يحجي ويا ولابس اسود
بعدني هسه اريد احجي وما اشوف بس اجتي ولزمتني من راسي وضربته بالحايط وبقت تضرب بي بالحايط لحد ما راسي انفتح والدم صار ينزل على كصتي
اريد احجي ما اكدر نعكد الساني وكعت فزيت من النوم واشوف الناس الموجوده كلها صافنين عليه وماما تبجي وليث وجلال متبسمر بمكانه ما اعرف شنو صاير التفتت لكيت الشيخ يباوع عليه
الشيخ : كولي يا الله بنيتي
بقيت صافنه عليه محجيت شي عفته التفتت عليهم وكتلهم
وتر : اريد ارجع للبيت احس جسمي متكسر
ام وتر ببجي : اي اي ماما هسه نروح
طلعتني هي وجلال بس احس روحي تعبانه جسمي مكسر وخدران طلعنه وركبنه بالسياره ماما خلصتها بس تبجي وساكته بالطريق
ام وتر : اليوم اكعد ابوها واحجي وياه شنو الي كاعد يصير اني بنتي مجانت هيج بنتي نطيتها الك مثل الورده ذبلت يوم بعد يوم واني ما قبلت انطيها لاقاربنه لأن خفت تصير مشاكل مو انوب الغربه يوكعون بنتي وبالنسبه اليه بعد الي صار مستعده اقتلهم خلاص لشكو واحد اشترك بأذيتها وماخلي خاطر لأكبر راس برجلي ادوس عليه
ليث التفت يباوع عليها وحجه
ليث : خاله شنو تقصديني بهذا كلامج انتي سمعتي الشيخ شنو كال تره اني مالي ذنب وما اعرف كل شي عن الصار حالي حالكم وبالنسبه الي ماعوفها ولا راح اعوفها وراح ابقى وياها لحد ما ترجع طبيعيه
جلال : كافي امي الي صار كافي ميحتاج هيج تحجين الشغله كلها محد يعرف بيها واكيد ليث ميعرف مستحيل يعرف شي يأذي زوجته ويسكت عنه
ام وتر : انت اسكت ولتفتح حلكك حقك تحجي هيج هي مو بنتك ولا گلبك محروك عليها بس اني ارجع للبيت ويصير خير شنو بنتي ماعدها احد ماعدها اب ماعدها عمام حتى يشفعولها
رجعت للبيت الطريق كله ساكته حلكي مبنج عبالك وجسمي كوه يتحرك وصلت للبيت نزلتني امي وليث استقبلنه بابا بالباب
ابو وتر : ها بابا شلونج
هزيت براسي اجا باسني من راسي ولزمني هوَ وامي دخلوني الغرفتهم
ابو وتر : اعوفج ترتاحين ومن تكعدين نسولف اني وياج تمام بابا
عافوني وطلعو شوي وسمعتهم يحجون امي وابوي غرفتهم قريبه على الصاله واسمع كلشي يحجون امي تحجي وتبجي بصوت عالي
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
