في قلعة الرُسحان

part 29

في قلعة الرُسحان
الكاتبه : زهراء الهاشمي

بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر

حسبالي توفي وياي وتخيط الجروح
عشرة عطر ثاريك كد ساعه وتروح

#رائد_ابوفتيان

~~~~~~~~~~~~~~~~~~~~~
صارت حالتي تسوء يوم بعد يوم صرت اشوف بعيون ابويه الكسره والحزن دموع امي الما نشفت من خدها وذبولها  يوم بعد يوم على حالت بنتها الوحيده

جلال وقيس جانو مثل ضلي وين ما التفت اشوفهم
كدام عيني ما تركوني ولا لحظه

بيوم تعبت حالتي وانتهيت بين اديهم من صحيت جانو محتارين تركوني وطلعو ليث وقيس يدورون على شيخ يساعدني اكثر من هذا الشيخ الجان يعالجني

ما رجعو غير العصر دخل قيس يسولف الامي وجلال وابويه واني اجيت وكعدت يمهم اريد اسمع شنو يحجون جان ليث كاعد بعيد بنهاية الصاله ويشرب جكاير وحده ورا الثانيه

قيس : رحنه لمناطق معروفه بغداد ومقامات محد استقبل حالتج كلهم يكولون هيج حاله منستقبلها هاي متطور وضعها ويمكن تموت ماطول صارلها فوك السنه  اكثر من واحد خابرنه جماعتنه كالو روحو لـ عبد القادر الكيلاني
اكو هناك ناس يعرفون

ام وتر : اي ورحتو

قيس : رحنه لكينه شيوخ كاعدين سألناهم واحد بيهم كبير بالعمر كال تعذروني ما الزم هيج حاله

اباوعله سكت رجع رفع راسه وجر نفس
ام وتر : كمل يمه شبيك سكتت مو والله يبست كلبي

باوع على ليث ورجع يباوع على اني
قيس : بوقتها ليث كعد بالباب يبجي

من شفته يبجي رحت كعدت بصفه
قيس : شبيك ليث كول يالله ان شاء الله نلكالها علاج وترجع مثل قبل واحسن بس توكل على الله

ليث : ااخ قيس حسيت الدنيا ضاكت بعيني وحسيت نفسي ضعيف واني اشوفها يوميه حالتها تسوء بسببي

قيس : مالك ذنب لا تحمل نفسك المسؤولية

ليث : تدري حتى بالدوام كامو ميحجون ويايه ولا شي شافوني كاعد وحدي ولا اكل ولا شرب الكل انتبهو على وضعي اله الناس الي دمرتني جنت احسهم فرحانين بهالشي
الجاي يصير ويا وتر

قيس : الله كريم خويه كوم نرجع للبيت وربك يحلها

ام وتر : اوف هل ولد تعذب بحياته سوده عليه لا من اهل ولا من الدنيا

قيس : اخر شي رحت للشيخ الجبير وكتله عمو يعني متكدر تساعدنه ابد كالي كل الي اكدر اسوي هو ندعي الها الله يرحم بحالها اني هم سويت خليت ورجعنه للبيت انعل ابوهم لابو الخلفهم

اباوع كلهم انرسم على وجهم الخوف والقلق امي سكتت شوي وما احس بس طفرت مثل الذكرت شي 
قيس : اسم الله شبيج يمه