في قلعة الرُسحان
الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
ضاعت أعمارنا ونحن نجاهد
لنخفي شعورا ونعيش غيره
فلا نحن أتقنا التخفي ولا نحن
عشنا الحياة كما نريد
~~~~~~~~~~~~~~~~~~~~~
النجف
كاعد بالمكتب اشتغل والحاسبه كدامي اباوع على صورتها الصارت محفوره أبالي طول اليوم اخذتني صفنتي البعيدد ...
اليوم الي ستشهد بي والدي ٢٠٠٧ بهذا اليوم حسيت نفسي خسرت كلشي خسرت ابوي خسرت صحة امي البيت خيم عليه الحزن اختي الاربعه وعشرين ساعه بس تبجي اخوتي اليباوعون عليه واحسهم يشوفون وجه ابوي بيه نكسر ظهري بغيابه وصرت انه المسؤال على هاي العائله
مشت الايام وكدرنا نرجع وضع البيت طبيعي
نجحت من السادس وجنت مقرر اقدم كلية بس اذا تخرجة شلون وتعيينات ماكو والبلد ما بي شغل قررت اقدم على الكلية العسكرية هذا احسن حل الي رحت حتى انطي خبر الامي
ليث : الله يساعدج يمه
ام ليث : هلا يمه يساعد بختك
ليث : شلونج شلون صحتج
ام ليث : الحمد الله تحت رحمتة
ليث : ان شاء الله اريد اكلج موضوع
ام ليث : كول يمه
نصت الجدر واجت كعدت بصفي
ليث : يمه جاي اشوفين الخريجين كلهم ما محصلين تعيين وانه ليش اتعب وادرس وبالاخير ماكو تعيين راح اقدم كلية عسكريه من هسه
ما اشوف بس ضربت على صدرها
ام ليث : يمه على بختك تريد تموتني كافي عليه خسرت ابوك نوب ارجع اخسرك انت هم ليش هيج اسوي بيه يمه
ليث : شسالفه يمه كولي يالله
ام ليث : والنعم بالله بس يمه هاي السالفه شيلها من بالك احسن كافي عليه واحد راح نوب انت تردون تموتوني
ليث : اسم الله عليج يمه عمر الطويل ان شاء الله بس هاي مو سالفة ترا يعنى جاي اكلج ماكو تعيينات اتخرج ششتغل مثلا ما دكليلي يمه ادعيلي وكلشي ماريد منج وبعدين ما اكدر اتراجع اني قدمة اوراقي
كتلها هيج حتى اخليها كدام الأمر الواقع وتقبل بالموضوع
ام ليث : خوب كول انت مقرر كلشي ومكمل وجاي بس تنطيني خبر وتروح وتخليني وراك يابن بطني
فركت وجهي ما اعرف شلون اقنعها
ليث : استغفر الله يمه ابوس ايدج لا تعترضيلي فدوه اروحلج
اخذت ايدها ابوس بيها جرتها مني وحجت وهي تكوم
ام ليث : روحي يمه الله يوكفلك ويوفقك
ليث : فدوه رحتلج يمه بس كون من كلب راضي تحجيها
أنت تقرأ
في قلعة الرُسحان
General Fictionفتاة بين شباب .. تعيش الخوف وحدها .. تتحدى اقوى المواقف لتخرج منها .. تحب وتتزوج لكن ؟!! ماذا سيحدث وراء هذا الحب .. هل ستدفع ثمن اختيارها ؟! أو للحكاية بقايا ..
