ჯიმინი სასადილო ოთახში ჩუმად იხედება იმისთვის რომ დარწმუნდეს, ორი ქალბატონი მის გასვლას ვერ გაიგებს. სოფია მაგიდასთან მჯდარი ყვებოდა წიგნზე რომელიც ბოლოს წაიკითხა , ალიშა კი დრო და დრო ერთვებოდა საუბარში და არწმუნებდა, რომ წიგნის ეკრანიზაცია უკეთესი იყო.იმით კმაყოფილი, რომ ვერ შეამჩნიეს გასასვლელი ჰოლის კედელს გაუყვა . ჩუმად გადაატრიალა კარის საკეტი და გარეთ გავიდა .
არ უნდოდა მათი შეწუხება, განსაკუთრებით მას შემდეგ რაც დეიდამისთან ერთად მთელი დღე აქეთ იქეთ დადიოდა . თუ რამეს იპოვნის, მას დაბრუნების შემდეგ შეატყობინებს .
უკანა ეზოსკენ აიღო გეზი . ტანსაცმელს იხდიდა გზადაგზა, არ უნდოდა მათი განადგურება ტრანსფორმაციის დროს . შუა პროცესში შენიშნა როგორ უაახლოვდებოდა მონადირის სული .
- თუ არ შეწუხდები, შეგიძლია შებრუნდე ?
სული ცოტახნით კიდევ უყურებდა შემდეგ კი გვერდულად შებრუნდა და ხელი კვლავ ტყისკენ, გაურკვეველი მიმართულებით გაშალა .
როდესაც მთლიანად გაშიშვლდა, მხოლოდ ყელსაბამის ამარა დარჩენილი ისე სწრაფად ტრანსფორმირდა როგორც შეეძლო . სამწუხაროდ სავსე მთვარეობამდე კიდევ დიდი დრო იყო დარჩენილი ამიტომ გარდაქმნას რამდენიმე წუთი დასჭირდა . რაც მეტად დიდი დრო იყო სავსე მთვარეობამდე, გარდაქმნა მით უფრო რთული ხდებოდა .
სულ მალე ნაცრისფერი მგელი იდგა, გაზონზე დაყრილი ტანსაცმლის გვერდით . რადგან მისი მგლის ფორმა 200 კილომდეც არ იყო , ის დიდი ზომის მგლად არ ითვლებოდა და ჩვეულებრივ ცხოველს წააგავდა . ყელსაბამი რომელიც ეკეთა მას შიანაურ ცხოველს ამსგავსებდა, ამიტომ თავის რამდენიმე გაქნევით ბეწვი აიშალა და ყელზე შემორტყმული მატერია მთლიანად დაფარა. მორჩენის თანავე იმ მიმართულებით გაიქცა საითაც სული მიანიშნებდა .
ჯიმინმა კარგად იცოდა რომ ღამით ამის გაკეთება ზედმეტად სარისკო იყო , მაგრამ რაც მეტად ცდილობდა სულის იგნორირებას ის მეტად უახლოვდებოდა მას და თითქმის ეხებოდა კიდეც , რაც ჯიმინის სხეულში ცივ ტალღებს იწვევდა . ის ასე დაძინებას ვერასდროს მოახერხებს , ამიტომ გადაწყვიტა ამისთვის მიეხედა . მაგრამ სამწუხაროდ გარდაცვლილი მუნჯი აღმოჩნა , არ შეეძლო ბიჭის დაჟინებულ კითხვებზე პასუხის გაცემა .
YOU ARE READING
Figure out [completed]
Fanfictionჯიმინი არის მარტოხელა მაქცია რომელსაც აქვს ნიჭი დაინახოს გარდაცვლილი ადამიანები ... ერთი ზარის შემდეგ მას უწევს დაბრუნება ძველ ხროვაში, სადაც ხროვის ბავშვები მისტიურად უჩინარდებიან. ამ საქმის გამოძიება კი უწევს ძველ მტერთან რომელიც ხროვის მომავალი ა...