طفولتي المشتتة

الفصل السادس عشر 16

كان جالس بالطياره ويتذكر الاحداث لما كان عند ابوه ينتظر سلطان يجيب ريم معه

دخل سلطان المجلس لوحده قام نايف يسلم عليه وبعد السؤال عن الحال والاحوال

نايف بهدوء : وين ريم يا سلطان طيارتي بعد ساعه ما ودي اتاخر ونظر لساعته بيده

سلطان تنهد وبهدوء : ممكن اعرف ليش ودك تاخذها معك ؟؟؟

نايف بتعجب ورفع حاجب ونظر لسلطان باستغراب

سلطان بهدوء : اعطيني سبب واحد بس !!

نايف وهو يتظاهر بالبرود : الظاهر إنك نسيت يا سلطان إنها بنتي وما أعتقد إنه في داعي اعطيك سبب لانها بالاول وبالاخير بنتييييييي

سلطان وبدأ يفقد اعصابه : قول إنك مو مأمن عليها عندي

في هذا الوقت دخل ابو سليمان سلم على اخوه نايف وحس انه الوضع متكهرب شوي جلس بجانب ابوه بهدوء

نايف اخذ نفس : سلطان لا تطولها وهي قصيره خلي ريم تيجي ما ظل وقت على الطياره

سلطان : ي اخي بنتك عايشه ومبسوطة عندي وما ودها تيجي عندك خلها عندي وين المشكلة ؟؟

نايف بنفاذ صبر : لا حول ولا قوة إلا بالله اقولك لا تاخرني هات البنت وانتهينا لا اطلعني من طوري بنتي وانا بعرف مصلحتها .

سلطان باسلوب ساخر وهو ينظر لنايف:كثير تعرف مصلحتها والدليل جسمها للي كله الوان من الضرب

نايف وقف وبعصبية : ياخي بنتي وانا حر فيها ما لك دخل فاهم عمري ما ادخلت باولادكم فلو سمحت لا تتدخل

سلطان : بس

قاطعه نايف بصراخ : اقول لك جيب البنت انت ما تفهم ؟؟؟

وقف سلطان وهو يناظر نايف كيف يصرخ عليه وكأنه طفل صغير : مشكور ياخوي كثر الله خيرك ولو رفعت صوتك اكثر كان يكون احسن بس تعرف ما ألوم ريم دام إنك ابوها والحين أرسلها لك

واتجه سلطان لجهة الباب وقفه صوت ابوه : سلطان وقف عندك

والتفت ابو سلمان على ولده نايف : انت ما تستحي على وجهك تصرخ على اخوك الكبير وبعصبية جاوبني

حس نايف بغلطته ونظر لسلطان إلي واقف عند الباب والزعل ظاهر عليه تنهد بقهر

ابو سليمان بهدوء : نايف اعتذر لسلطان وخلص ريم خليها ما بقى على امتحاناتها النهائيه شيء بعد ما تكمل تيجي تاخذها

سلطان بزعل : ما ودي اعتذاره ولك ما طلبت يحرم علي ادخل بريم لو اشوفك تحرقها ما تدخلت تطمن والحين ارسلها لك

تقدم نايف من سلطان بندم وده يعتذر منه لكن سلطان وقف بيده نايف قبل ما يتقدم : بالطلاق من ام بدر ما تعتذر مني وخلاص واعتبر علاقتنا سطحيه ما رح اقاطعك لانك بتبقى اخوي