طفولتي المشتتة

الفصل55

قراءة ممتعة
رواية طفولتي المشتتة

الفصل 55

حرمه كبيره بالسن مليانه : السلام عليكم يا بنيه
خالد بهدوء : وعليكم السلام
كانت الحرمه ساكته وعينها على ريم
بغيتي شي يا خالتي
الحرمه بتردد : ابغى رقمك !!
خالد بتفاجئ : رقمي ؟؟!!
الحرمه : لا تفهمني غلط بس ابغى اخطب بنتك
واشرت على ريم
لولدي ما شاء الله مهندس وعنده بيت
خالد ببرود : بس يا خالتي
قاطعته الحرمه : انا مستعده اعطيك العنوان واسال
عن ولدي كل الناس تحمده
ريم ابتسمت على كلام الحرمه
خالد ينهي النقاش : ما عندنا بنات للزواج
الحرمه بحزم : والله ما تروح من هنا حتى تعطيني الرقم انا البنت عاجبيتني
وانتظر شوي ولدي دقايق ويصل علشان
يشوفها وتكون نظره شرعية
وكحركه جريئة مسكت يده
وبسرعة نفض خالد يده عنها وبعد ثواني
وهو يستوعب الوضع
طلع كرت فيه رقمه واقترب من الحرمه وهمس
لها بكم كلمه وابتسم
واعطاها الكرت
وناظر للخلف واشر لريم تتبعه
طلعوا من المول وتوجه للسياره
وبعد دقايق رن جوال خالد ابتسم
ورد بهدوء الو ..........صدقني لتندم على هذا المقلب .........مستحيل تقدر تستفزني .........هههههههه والله عرفتك لما مسكت يدي مو يد حرمه ......... ههههه بس من وين جبت العبايه والقفازات ...........تدري يا صقر كنت افكر افضحك بالمول وشوف عاد وش يطلعك من
المشكله ...........والله عادي اعملها ........
طيب حسابك بعدين ......... صدقني بتتعب
انا طبعي كذا بارد ........هههههه طيب انقلع الحين ......... عم الدبب ان شاء الله .......يالله انقلع
قفل الجوال وهو يبتسم وبعدها حرك
مصعب بدلع : بابا اشتري لي حلاوه
لفت ريم وجهها وناظرت مصعب بقرف من دلعه الماصخ وصدت وجهها لجهة الشباك
ناظرها خالد وما عجبته حركتها وحب يرفع
ضغطها شوي لانه ما يحب حد يتعامل مع عياله
كذا : من عيوني يا بابا
وش تبغى اجيب لك ؟؟؟
معصب بدلع يلوع الكبد : اممن بابا ابغى عصير
طيف بدلع اقتربت من مقعد ابوها : وانا بابا
وطلع صوت مصعب وطيف وطول الطريق : بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا
ريم تحس راسها مو قادر يتحمل هذا الازعاج
بدون وعي صرخت : وبعدييييييين ؟؟؟؟
ناظرها خالد بتفحص ووقف السياره بهدوء على
جنب الطريق : وش هذا التصرف ؟؟؟
ريم ناظرته بعصبية مكبوته وصدت وجهها لجهة الشباك
مصعب بخوف : بابا علامها ريم تعبانه ؟؟
طيف : ليه تصرخ كذا مثل المجنونه ؟؟
خالد بهدوء : ما فيها شي بس راسها يعورها
من صوتكم العالي
خلاص اهدوا لحد ما نوصل البيت اتفقنا
مصعب وطيف جلسوا وكتفوا ايديهم بطريقه مؤدبه : اتفقنا

القى نظره عليها وهي صاده وبعدها حرك السياره
وساد الصمت بالمكان

&
&
&
&
&
يوم الاربعاء
هيفاء بتعالي : وانت وين زوجك قاعده هنا ؟؟
ناظرتها ريم من فوق لتحت باشمئزاز : ما يخصك
هيفاء بصراخ : لما تكلميني تكلمي عدل يا حثاله
ريم وقفت وهي تتخصر : عادي هذا انتي ما تتكلمين عدل مع انك حثاااااااله
هيفاء وقفت وبعصبيه : شفتي يمه بعينك شفتي
قليله الحيا وش تقول
الجده بنهر : ريم وبعدين معك ؟؟ متى تحترمين الاكبر منك متى ؟؟؟
ريم وهي تتخصر : والله اذا كان محترم احترمه
اما اذا كان
قاطعتها ام خالد بحده : وريم وبعدين معك
هذي عمتك !!
ريم ضحكت باستهزاء : تدرين كنت افكرها الشغاله
هيفاء بعصبية : لهنا وبس
ما اسمح لك ابد
وين زوجها ييجي يقص لسانها ما تحشم احد
ريم جلست وهي تحط رجل على رجل : زوجي
طلع مع صديقه يتمشى
هيفاء زفرت بضيق وناظرت امها : طول ما هذي الحربايه
بالبيت مستحيل ادخله
ومسكت اغراضها وطلعت من المكان
الجده بعصبية : بعدين مع لسانك الطويل ؟؟
ليه ما تحشمين احد ليه ؟؟
ريم بلامبالاه : من زينها بنتك هيفاء
ام سليمان وهي تأشر بيدها : خلاص اسكتي
اعوذ بالله من لسانك
*
*
*
*
*
*
*
كان جالس مع صديقه بالمطعم رن جواله
ناظر الاسم واستغرب
استأذن من صديقه وابتعد شوي وفتح الخط : الو ......
هلا عمتي .......الحمد لله .......وش صاير .................................................. .........................
.................................................. ................
.................................................. ...............
قاطع عمته قبل ما تخلص الشكاوي : خلاص يا عمتي ما يصير بخاطرك الا الطيب انا الحين مو بالبيت
لما ارجع اتفاهم معها ............خلاص ولا يهمك .............حنا الطالعين وانت الداخله ............
خلاص ان شاء الله .......مع السلامه
قفل الخط ورجع عند صديقه
سالم : سنه وانت تكلم بالجوال مليت وانا قاعد
لوحدي اكثر من نص ساعة
خالد بابتسامة : مشكله بسيطه خلينا نكمل
وش كنا نقول
سالم رجع ظهره للكرسي : عن الدراسات العليا
وانك قررت تكمل دراسات عليا
خالد بابتسامة : اها صح
سالم : تقدر توفق بين وظيفه ودراسه وبيت وعيال
خالد : ان شاء الله اقد....
قاطعه رنين جواله
ناظر الجوال وابتسم باحراج لسالم : بس دقيقه
سالم زفر بضيق : اذنك معك
ابتعد خالد عن صديقه ورد عالجوال
هلا يمه ...........علامها ريم ؟؟؟ ..................
طيب لما ارجع يصير خير ..........خلاص ان شاء .......مع السلامه
رجع عند صديقه وهو يبتسم باحراج
خالد : وين كنا نتكلم
سالم ابتسم :كنا ...
قاطعه رنين جوال خالد
عفس ملامحه سالم
خالد ابتسم بس دقيقه ابتعد شوي
الو ..............لا والله ما يصير ...........طيب اعطيني إياها ..............طيب خلاص يا جدتي لما
ارجع اتفاهم معها هالريم .........ان شاء الله مع
السلامه