قراءة ممتعة
رواية طفولتي المشتتة
الفصل 65
بعدت عن بيت عمي وقفت بحيره وين اروح بعد ما طردني خالد ؟؟؟؟؟؟
صح غلطت بحقه بس المفروض ما يطردني
مو بالاسلوب هذا
وكاني شي مقزز
اسلوبه جرحني
كان بعيني قدوة افتخر فيه وبأخلاقه الجميله
ليه يعمل كذا ليه
غمضت عيوني بألم وكبريائي مجروح
ما في غيره جدي يوقف
معي
ويخلي خالد ييجي يرجعني بنفسه
ويرد لي كرامتي للي اهانها قدام الجميع
شديت على قبضه يدي بقهر بقله حيله ما ادري
كيف اوصف لكم مشاعري
توجهت لبيت جدي
دخلت البيت وكانت جدتي واقفه باستقبالي
اكيد صار واصلها الخبر
كانت تردح وتتكلم
بس ما فهمت شي من للي قالته ولا استوعبت
شي ما لي خلقها
طنشتها وتوجهت للغرفه وقفلت الباب بالمفتاح
رميت العباية والشيله على الارض بعنف
وتوجهت لباب البلكونة وقفلته حتى ما يدخل منه
صقر
ابغى اجلس مع نفسي
رميت نفسي على السرير استذكر الاحداث
ودموعي نازله على خدودي
فيصل : خالد انزل جيب ريم وبلا فضايح
خالد ببرود : رجاء يبه هذا القرار راجع لي
بعد ما تولد ارسل لها ورقه الطلاق
فيصل بقهر : انت انجنيت ؟؟؟
تطلق بنت عمك ؟!!
خالد ببرود : لا اول واحد ولا اخر واحد يطلق بنت
عمه
وبقهر
خلاص لكل شي حد وانا لهنا كافي ما اقدر اتحمل اكثر
رجاء يبه لا تفتح معي السيره
والا قسم اهج من المنطقه
ام خالد : خلاص لا تهج حنا طالعين ارتاح شوي
وفكر زين
لا تنسى اذا ظلمتها بالطلاق اخواتك باكر
يصيبهن نفس الشي ويرجعن مطلقات
قاطعها خالد وهو يكتم عصبيته : اذا عملوا مثل ريم
انا اول مشجع انهن يطلقن
قاطعه فيصل : خلاص سكروا الموضوع وان شاء الله
يصير خير
الجده : مو راضية تفتح ولا ترد علينا
ام خالد : الله يهديها ملسونه خربت بيتها
بسبب لسانها الطويل
هيفاء بشماته : خلها تستاهل بنت ساره
متى ييجي اليوم للي اكحل فيه عيوني وانا اناظر ورقه الطلاق
قاطعها دخول ريم بثقه : قريب ان شاء الله
تكحلي عيونك فيها
كملي خيرك واعطيه وحده من بناتك تعرفين
صعب يلاقي الحين
لانه ارمل ومطلق وعنده عيال
وبنبره استهزاء : تكسبين فيه اجر
هيفاء بعصبية: حطي لسانك بحلقك ما نلوم
خالد يوم قرر يطلق
ناظرتها ريم بلامبالاه : يوم المنى طلاقي
وحطي براسك اني انا اختلقت هذي المشكله
علشان اضغط عليه ويطلقني
ام خالد تضايقت من كلام ريم : الف وحده تتمنى
خالد اما انت يا حسره مين رح يقبل
فيك مطلقه مرتين وعندها
عيال الله لا يبلانا
الجده بعصبية وهي تطالع ريم : غيرك يتمنى خالد وانت اجت لعندك هذي النعمه ورفستيها
ريم بدون اهتمام : اقول يا ام سلوم ترى ما لي خلقك
يستر عليك غيري الموضوع
الجده تضرب كفوف يدها ببعضها : انت ما منك
فايده
وناظرتها بجديه : جدك اتصل عليك ؟؟
ريم طنشت وقعدت تطقطق بالجوال ولا هامها
شي
هيفاء وهي تفتح عيونها بعصبيه : امي تكلمك
يا قليله الحيا
ريم تطقطق ومطنشه
ام خالد وقفت : ارجع عالبيت احسن من مقابله
هالملسونه
طلعت ام خالد بهدوء
الجده بقهر : جدك راجع باكر علشان يحل المشكلة
ما ادري متى تعقلين ؟؟؟؟
ريم بلامبالاه : رح اعقل لما تبطلين تلونين وجهك
بألوان الطيف
الجده بعصبية : ريم
وقفت ريم بضجر : افففففف ما تخلون الواحد
يرتاح بالجلسه
وطلعت من المكان
الجده بقهر : شفتي شفتي بنت اخوك !!!
هيفاء وبدت تشتغل شغلها : ما ادري ليه تستقبلينها
كان طردتيها عند اهل امها هم ادبر بها
الجده طالعت هيفاء ولوت بوزها : ودك توقعيني بالمشاكل ؟؟!!
خلها منطقه فوق هي الخسرانه
هيفاء باستغراب : شفتي يمه ولا مهتمه
مين يصدق انها نفسها للي طردها زوجها قبل
ساعات
مو مهتمه ولا على بالها
لو انا احبس نفسي اسبوع ما اكلم احد
مثل ذي البنت ما شفت بقوه عين طالعه وترادد
زفرت بضيق الجده : الله يهديها
أنت تقرأ
طفولتي المشتتة
أدب الهواةهذه الرواية تروي قصة فتاة صغيرة عانت من طرف كلا والديها تعرضت للضرب و الشتم و فقدت الامل في الحياة كانت ك شخص يحتمي من الشتاء صانعا لنفسه غطاء من البرد وفراشا من العشب اقرأوا و لن تندموا 💓💞💞 الرواية مأخوذة من تطبيق روايات1 للكاتبة "ضاقت أنفاسي"
