طفولتي المشتتة

الفصل 111

قراءة ممتعة
رواية طفولتي المشتتة

الفصل 111

جلست بالحوش مع منيره والملل خيم عليهم
قطع مللهم
دخول روعه وهي تضحك : ماما دب
ولوحت بيدها وهي تمسك فيه
ناظرتها ريم وهي تركض لجهتها : سوفي ماما دب ريم مسكت الدب وقلبته وسألتها : لمين هذا ؟؟؟
روعه وهي ترفع نفسها حتى تسحبه من ريم : لي
ريم ناظرتها : من وين جبتيه؟؟؟
روعه : لي لي هاتي
قطع تحقيق ريم طرقات على الباب
وقفت وبيدها الدب وتوجهت تفتح الباب
وروعه خلفها تتمحن تبعى الدب
فتحت ريم الباب وشافت بزران الحاره
وتضايقت لما قالوا انه روعه اخذت الدب وهربت
ريم طالعت روعه وما تبغى تتعلم تأخذ شيء مو لها مسكت الدب وحطته على مستوى روعه : من وين جبتيه ؟؟
روعه بتصميم : لي لي
واحد من البزران : هذا لي اخذته مني وهربت
ريم تعلمها على تصحيح الخطأ : ارجعيه وقولي اسف
تناولت روعه الدب وبسرعه لفت وحهها تهرب وهي تقول : لي لي
ريم مسكتها بحزم : روعه
ارجعي الدب للبنت
روعه بدت دموعها تنزل رمت الدب على الارض
وابتعدت كم متر وتكورت على نفسها يقال انها
زعلانه
تناولت ريم الدب واعطته للبزران وسكرت الباب
وناظرت روعه
كسر قلبها منظرها كذا
وقررت تشتري لها دب
جلست على مستواها : حبيبتي زعلانه
ما ردت روعه
كملت ريم : خلاص رح اشتري لك دب اكبر من هذا
ما ردت روعه وهي تتظاهر بالزعل
ابتسمت ريم وهي تشوفها تناظر بطرف عينها
ضحكت بنعومه من هالجيل البعبع
تركتها وهي عارفه ثواني رح ترجع خلفها
****
****
***
***
***
***
بحث نايف وعناد عن ابو مصلح يستفسروا منهم
اكثر عن ريم
بس ما لقوهم
كيف يلاقوهم وهم ما يعرفون الا لقبهم ابو مصلح ؟!!!
ما كانت في علاقه بينهم وبين عناد
علشان كذا ما قدر يتوصل لهم
كانت اغلب الاعين تناظر عناد باللوم وانه هو السبب بضياع ريم
بعد ما عرفوا سبب ترك ريم للبيت
كان يشعر عناد بالضيق بزياده لما يشوف هذي النظرات
مهند حط يده على كتف عناد يواسيه لانه حاس بضيقه ومعاناته : يا ابن الحلال
توكل على الله وبإذن الله تلاقيها
عناد بيأس : وين الاقيها ؟؟/
صالح : حطوا اعلان بالجريده
عن فقدان زوجتك
بندر اشر لصالح : اسكت
سكت دهرا ونطق كفرا
صالح وهو يفكر بحلول : طيب اعملوا مكافأه للي يلاقيها
وزعوا الاعلان بكل مكان
عناد مو رايق لسخافته : وبعدين مع سخافتك يا صالح ؟؟
يا أ خي حل عني تراني قرفان حالي
صالح بروقان : اموت على العاشق الولهان
ما تنلام صار لك
اكثر من سنتين ما شفت الحب
بندر تنرفز من سخافه صالح : وقسم بالله اذا ما انقلعت من الصاله الا اقوم وادفنك هنا
صالح بخوف بس يحاول يظهر عدم خوفه : تراني مو صغير تخوفني
داخل بالواحد والعشرين
وقف بندر بعصبية : الحين رح اخلي 21 سنه تتحسف عليهم
قفز صالح وبسرعه هرب من بندر
وصوت ضحكاته تضج بالمكان
**
**
**
**
**
واقفه عند الشباك الصغير وتناظر المطر الغزير
ناظرت ريم للخلف : المطر غزير كثير
ام منيره وبيدها السبحه : الله يجيب الخير
هزت ريم راسها وهي تحس بعدم الارتياح
جلست عند المدفأة وناظرت روعه الجالسه بحضن
منيره وتلعب معها
صرخت ريم بلا وعي لما سمعت صوت الرعد
وعلى صرختها
انرعبت روعه وصارت تبكي من الخوف
ام منيره بلوم : الله يهديك يا ريم
الواحد اذا سمع صوت الرعد
يقول سبحان من سبح الرعد بحمده والملائكة
من خيفته
مو يصرخ
شوفي كيف ارعبتيها
واشرت على روعه
ناظرت ريم روعه وهي دافنه راسها بصدرها
ومتمسكه فيها بقوه وتبكي
ريم بهدوء وهي تمسح على شعر روعه : خلاص يا ماما لا تخافي
روعه متمسكه بأمها وما زالت دافنه راسها بصدر ريم وتبكي
ريم بحنيه وابتسمت على خوف روعه : بسم الله عليك
منيره : حسبي الله على شيطانك تنفعين تكونين فزاعه
اذا انا حسيت قلبي انفجع من صرختك
ما الوم هالطفله
تقول صفارة انذار وصرخت
وش حاطه بحلقك صفاره ؟؟؟
ام منيره نهرت منيره : خلاص اكلتيها
منيره : تستاهل وقسم بالله للحين قلبي يدق
بقوه من الخوف
ضحكت ريم بنعومه على منيره وخوفها
وروعه ما زالت متمسكه فيها
صار وقت المغرب وقفت ريم بصعوبه
وروعه بحضنها نايمه
بس ما زالت متمسكه بثيابها
توجهت لفراشها وحطت روعه ومسحت على وجهها وباستهاوغطتها كويس حتى ما تبرد
وتوجهت تصلي المغرب
بعد صلاه المغرب جلست ريم حول المدفأة
وشغلت لسانها بالاستغفار
وعم الصمت بالغرفه
لثلث ساعه
قاطع الصمت صوت ارتطام قوي
رفعت ريم نظرها بخوف
وانصعقت لما شافت جزء من السقف
انهدم
صرخت بقوه : روووووووعه
**
**
**
**
**
**
**
يحس بضيق ومخنوق ما يدري وش السبب
اقترب من شباك الصاله
وناظر من خلف القزاز كان الجو شبه مظلم الا من اناره خفيفه من الحديقة
كان يناظر حبات المطر
لما تضرب بالشباك وتأخذ مجرى وتسيل لاخر الشباك
تنهد واستغفر ربه
ما ينكر اشتياقه لريم من لما راح يخطبها
مع انه ما كان مقتنع بالموضوع
بس لما رفضته وتشرطت
بداخله عجبه قوه شخصيتها
واخفى هذا الشيء بداخله
يبغى ام عياله شخصيتها قويه مو مهزوزة
بعد ما تزوجها ما كان يجلس معها كثير
كان منشغل مع ربعه
يعترف انه قصر بحقها كثير واكتشف مدى مراهقته
وعدم مسؤوليته
والا شخص ناضج وحامل المسؤولية
يترك زوجته وينام عند ربعه
ما يدري كيف وافقت ريم تسكن بالخرابات للي سكنها فيهم
ومع ذلك كانت راضيه
وما اعترضت
كانت فعلا زوجه صالحه
رفع يده بخفه
ورسم على الضباب المتكون على قزاز الشباك
قلب حب
ورسم سهم وكتب عليه حرف اسمه
وبالطرف الثاني حرف اسم ريم
ما ينكر اشتياقه لها تعلق فيها بالفتره الاخيره
وكانت كل يوم تكبر بعيونه
ما توقع انه محظوظ لذي الدرجه ويتزوج ريم
بس يا ليت يلقاها ويرجعون
رح يعوضها عن كل شيء
رفع يده يكتب عن ما يجول بخاطره
توقفت يده عن الحركه لما سمع الصوت من خلفه : يا عيني على العاشق الولهان !!
حركات والله
سكت للحظات بدون ما يلتفت للخلف
وبدون تردد مسح للي رسمه
وطالع صالح بتحذير : للمره الاخيره اقول لك لا تتدخل
مره ثانيه فاهم
وطلع من الصاله متوجه لغرفته
وتضايق من صالح قاطع عالمه للي كان غارق فيه
اما عند صالح ناظر بندر : والله مو قصدي امزح معه
بندر بعصبية : كم مره قلت لك اترك عناد بحاله
مو فاضي لسخافتك
صالح : خلاص ما رح اعيدها
ناظره بندر وسكت وهو يحس بالحزن على عناد
الحين عرف سبب سكوته وبروده
الظاهر انه يتذكر زوجته
ما يلومه لو حزن لفراقها
زوجه عاقله ثقيله وملتزمه وفوق هذا جمال
استغفر بندر ربه وتوجه لجناحه
قاطع الصمت صوت ارتطام قوي
رفعت ريم نظرها بخوف
وانصعقت لما شافت جزء من السقف
انهدم
صرخت بقوه : روووووووعه
وقفت على حيلها مفزوعه وركضت باتجاه روعه
وقلبها يدق بقوه ما تتحمل فكره فقدانها
ويدينها ترجف وتتنفس بسرعه
وبسرعه حملت روعه وحضنتها بقوه وهي تبكي
وتشاهق
هذي روحها وضناها
لو تفقدها وش يصير فيها ؟!!
ام منيره بتأثر : قومي يمه احمدي ربك
وقع بعيد عن ابنتك وربك حفظها
ناظرت ريم السقف المهدوم بعيون مليئه دموع
والمطر بدأ يدخل من خلاله
مسافه قصير كان وقع على رجلين روعه
وزاد صوت بكائها
وهي تتخيل لو كانت روعه تحت هذا الحطام
منيره مسكت يد ريم : قومي من عندك
الحين يمكن يسقط جزء ثاني
هزت ريم راسها ووقفت وهي حاضنه
روعه بقوه
رجعت نامت روعه بحضن ريم بعد ما صحيت على صوت الارتطام
ام منيره : خلينا نجلس بالغرفه الثانيه
رممناها قبل مده قصيره
حالها افضل من هذي
ريم وهي حاضنه روعه ودموعها على خدودها : انا طالع من هنا
وش يضمن لي ما يسقط مره ثانيه ؟؟
منيره جن جنونها من كلام ريم : مجنونه ؟؟
وين تطلعين بالجو هذا
مطر ورياح ورعد وبرق
وين تروحين ؟؟؟؟
ام منيره حطت يدها على كتف ريم وبنبره حانيه : يا يمه
قل لن يصيبنا الا ما كتب الله لنا
خلي إيمانك بالله كبير
والحافظ ربنا هو للي يحفظنا من كل سوء
والحين تعالي اجلسي بالغرفه الثانيه
وان شاء الله ما هو صايبنا شيء
هزت ريم راسها ومسحت دموعها من على خدودها
وتوجهت للغرفت الثانيه
وجلست وروعه حضنها رفضت تحطها على الارض
بعد ما صلوا العشاء
شهقت منيره لما شافت مويه المطر تدخل للغرفه
لانه الباب فيه تسريب وفيه فراخ بين الباب
والارضيه
ام منيره وقفت وهي تردد الاذكار
لا إله الا الله
لا حول ولا قوه الا بالله
ريم برعب : يا خوفي نغرق هنا
خلونا نطلع من هنا ؟؟؟
ام منيره وهي خايفه اول مره يصير كذا
وينزل بالقريه مطر بذي القوه
بس لازم تكون شجاعه بينهم : اهدي يا يمه وناظرت منيره
هاتي ملابس قديمه بسرعه ودلو مويه
هزت منيره راسها بالموافقه والرعب دب بقلبها
مسكت الملابس القديمه وحطتها على المويه وبعدها تعصرها بالدلو
وصارت منيره تعمل مثل امها
شافت ريم روعه نايمه قررت تساعدهم
وقفت بصعوبه وريم بحضنها
شافت طاولة خشبيه بأرجل مرتفعه بصدر الغرفه
توجهت نحوها
وفرشت لريم تحتها
تحسب لو وقع السقف ما يصيبها شيء
غطتها وألقت نظره عليها
وتوجهت عند منيره وامها تساعدهم
مر الوقت عليهم وهو بذي الحاله
ريم ضمت يدينها لبعض ونفخت فيهم
لعل وعسى يروح البرد
تحسهم تصلبوا من البروده
وكل لحظه تناظر روعه تتطمئن عليها
منيره بتعب : على ذي الحال رح نسهر الليل بطوله
المطر مو متوقف
شوفي المويه كيف تدخل ؟!!
ريم ورجعت تكمل : خلاص روحي ارتاحي يا منيره
انت وخالتي
وانا اكمل عنكم
منيره ورجعت تكمل بعد ما اسندت ظهرها : نكمل مع بعض لاخر لحظه
ريم ناظرت ام منيره : يا خالتي روحي ارتاحي
انا ومنيره نكمل نضح المويه
ام منيره بتعب ما ترددت توجهت للمدفأه
وجلست بالقرب منها
ريم وشفتها ترجف من البرد
وظهرها صلب مو قادره تسنده
ومع ذلك مستمره بالتخلص من المويه تخاف تنام
وتغرق فيهم الغرفه
ناظرت ريم الدلو مليان وقفت وحملته وفتحت الشباك
غمضت عيونها وعفست ملامحها
لما حست بقطرات المويه تضرب وجهها
بقوه بفعل الرياح
تحاملت على نفسها وفرغت الدلو
بالخارج
خلاص تحس العمود الفقري صار مثل العوده
متصلب
من البرد
حطت الدلو على الارض وسكرت الشباك
مسحت بأكمامها قطرات المويه عن وجهها
بحركه بطيئه متجمده
وتوجهت لمنيره بعد ما حملت الدلو
بعد وقت
منيره بتعب وهلاك : خلاص ما اقدر استحمل
وطالعت يدينها لونهم ازرق من البرد
ريم ؛ روحي اجلسي عند المدفأة شوي
منيره بتردد : وانت ؟؟
ريم وهي تحاول تمثل الصلابه وقوه الاحتمال : ما عليك مني
روحي ولا تضيعين الوقت
توجهت منيره للمدفأه ويدينها حول المدفأة
ناظرت امها نائمه بعمق
زفرت بضيق وتمنت انها ساكنه بالمدينه
مو بذي القريه
المنعزله ما فيها خدمات مثل العالم
لو يموتون ما حد درى عنهم
لم تستطع المواصله اكثر
واستسلمت للنوم
ناظرتهم ريم نائمات وحست انه المسؤوليه
صارت برقبتها
ما تقدر تنام تخاف تغط عينها
وتغرقهم المويه
واصلت نضح المويه وكل شوي
تروح للمدفأه تدفي يدينها
وترجع تكمل
تحس عيونها صارت تغفي من النعس والتعب
بس هذي مسؤوليه
ما تقدر تترك
لازم تواصل حتى النهايه
**
**
**
**
**
جالسين بالصاله يفطرون
والصمت يخيم عليهم
ام بندر توجه الكلام لعيالها : ترى جدتكم
قريب رح تيجي هنا