حريتي
فاطمة العامري ✍️
كاعده بمكان وعقلي يدور بمكان جسد من غير روح يخلولي اللمسات الاخير علساس عروس
لو ما كرايبنه حته بدله ماالبس ماقبلت اروح للصالون اني صايره مثل المذنبه ويطبقون عليه الحكم
كضيت عمري احارب حته يكونلي كيان واخذ قراري وافرض نفسي بالمجتمع شسويت اجيت اكحله عمييته لو راضيه من البدايه بواحد من كرايبنه وحافظه سمعتي واطلع من اهلي معززه مكرمه وراضين عليه احسن
هسه نظراتهم الي كله كره وستعاره ورخيصه كرهت روحي وكرهت سيف وكرهت اهلي بعد اكثر لان همه الي وصلوني لهل حال مو عذر بس اني العشت وياهم مثل الغركانه وأريد اتعلك بكشايه سبع اشهر ميباوعون بوجههي بس نظرات الاستحقار هاي عود اهلي
لعد الناس الرايحتلهم شلون راح يشوفوني الرجال الي عله اساس رجلي شراح يسوي بيه اووف دموعي تجري وكلسا اختي تكلي خلي اشتغل خربتي الكحله كمت منه لبست البدله جابولي اصغر بدله وهم طلعت جبير تهدل عليه اباوع عله روحي
عود يابس من الحياة
مسحت اخر دمعه ورحت كعدت اتصنع الابتسامة بوجوه الناس الجاي يدورولهم سالفه طش بيه
سمعنه صوت وصول الزفه ويه دك المسيقه كلبي يدك خوف ورعب للمجهول
خلو الخمار عله راسي مرت الدقايق اصعب واطول من الساعات لزموني من ايدي بعد الحجي الروتيني بين اهلي واهله طلعت صعدوني السياره وبس احس بحركته بدون كلام وسلام فرونه حسبت نص ساعه
اعلام طبعا لازم الناس تعرف مجتمع عنده كلام الناس اهم من الله ستغفر الله
وكفت السيارات ونزلنه يمشون بيه اله ان كعدوني بمكان شالوا الخمار عن وجهي
شيماء وبنات عمي وعماتي وكلمن توصي شكل اني كل الي بالي مو هذا الحجي بس اهز راسي طلعوا ضليت عله كعتي حته راسي ماشلته ولا باوعت ولا اريد اباوع هذا البيت الي جنت احبه واريد اجي حته اللعب ويا البنات جان اكثر تطلعاتي وفرحتي وابجي اريد اجي هسه احس البيت يريد ياكلني شسوي بهل الحال حته البنات ماشفتهن لعد غير ماخذين موقف مني فززتني فتحت الباب والشخص الي كارهني والي ورطته بلوتي
دخل كعد يمي بعد متر ثنينه ساكتين ونباوع للامام وللمجهول شبك ادي وَتكئ عله رجلي ومدنك راسه بعد الصمت حجه بثكل وعلكيف
اكيد مجبوره مثل مااني نجبرت
حته لا دمج ولا خطيتج تصير بركبتنه
ثانيآ لان اخوي وسكت نوب كال
لان اخوي جان سبب بلي صار
ثالثآ حته لا يصر دم بين العشيرتين وننفضح
لا جاي الومج هسه ولاجاي انتقم منج بس راح اكول كلام واريد يتنفذ بالحرف الواحد يحجي كلمه كلمه بهدوء وغضب مدفون نوب كال
شغلي وحياتي كله مالج علاقه بي انه مرتب حياتي وشغلي ودراستي وعيشتي بنظام معين بما انو انتي السبب الرائيسي بهذا الزواج الي مامعتبره زواج اصلا فمالج اي رأي ولا اي تدخل بحياتي الخاصه وواضح
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
