حريتي

٣٧

اعتذر من الكل على التأخير بس انتوا اعرف بالاوضاع من يوم حادث الحمدانيه بالموصل
ماكدر لا أكتب ولا انشر الله يرحمهم ويغفرلهم ويصبر أهلهم على هذا المصاب الكبير 💔

***********************************

نايمه بفراشي خانكه صوتي ابجي حته ماتعشيت متكطعه تكطع على وضعه حته أكثر من وضعي
يشرب جكاير وشلون يحجي بحركه شلون مقهور اكيد ينقهر
هو يحس روحه  مغدور من زوجته والي ميدري بي من اخو اووف لو تدري جان شسويت

المظاهرات ومتطلبات الشعب ضغطوا عله الحكومه رغم الحكومه والاحزاب  تضغط عليهم بالرصاص الحي والقنابل الصوتي وخطف الناشطين والتهديد كله مافاد بالعكس كام يزيدهم عناد بحيث كل الفئات تقوقعت بساحة التحرير أهالي بكل انواعه طلاب اطفال نساء شباب والكل يخدم والكل يساعد بدون مقابل لهذا استسلم رئيس الوزراء عادل عبد المهدي وعلن انسحابه وقدم استقلاله شويه حسينه دم الشباب مراح هدر

بعده رحت استلم النتيجه اخذني حيدر وهناك شفت البنات كعدنه شويه على جهه وحيدر كال ساعه واجيج عدي شغله سريعه بقينه نسولف على المظاهرات ونتمنى نروح بس محد يقبل
كتلهم
ليش متبقون هنا فتره بغداد يم عمكم ماعرف ليش هيج حجيت يمكن بس اريد ينفتح موضوع عنه كالن

عمو مو بغداد

ها لعد وين

زهراء الحقيره ترفعلي حاجبه عود شعليج
ابد متنسه

زينب كالت عمو وبراء مسافرين لإيران علمود علاج

ليش شبيه

مادري ماكال شنو بالضبط

ومنحس اله وسيف على راسنه تفاجئت من كال للبنات ها نروح باوعتلهم كلوله بس شويه عله ميجي اخوهه

كال ماشي راح اكعد هناك من تخلصون تعالوا

باوعلي بنظره مقرفه وبتسامه مسمومه مشمت بيه عود منتصر او كسرتج او أذيتج او او هوايه تعابير بعيونه 

باوعتلهن كالن هو جابنه سكتت كوه لازم روحي ماانفجر وكلهن هذا عمجن الشفيه هيج سوه بينه انه واخو دعيت عليه من كل كلبي اشوف بيك يوم
من اتصل حيدر كال طلعيلي لباب الجامعه ودعتهم ورجعنه للبيت

بعده  اجتي كارونه ودوام ماكو كله الكتروني   والمظاهرات تفككت من وراهه   لان المرض تفشه وحالة الاصابه كام تزيد ويوميه نسمع حاله رغم حضر التجوال بس العدوه ستفحلت ويوميه نسمع خبر بيت فلان صار بيه بيت فلان صار بيهم

عشنه برعب لهناك وسمعت امي خاله بيه كارونه تخبلت رحت على السريع تصلت بيه  مبين على صوته

خاله شلونج شخباركم  صدك مريضه؟

اي يمه لكفته ومادري بروحي

يا صدك بله شلون وليش طلعتي

رحت اجيبلي مسواك عود لابسه كمامه مادري شلون يمه مادري