حريتي

٢٠

حريتي 💔

فاطمة العامري ✍️

وسام

من يوم الي رجعته للبيت وعلاقتنه رجعت عله المحك بين جر وعر بين اصدكه مرات ويدخل الشك بكلبي مرات
تصرفاته المريبه ويه زينب دوختني احس اكو شي ضامين عليه بس ماريد اسرع وهم اظلمه واصير بموقف صعب مثل المواقف الصارت
يابه موقف افضع من موقف كل مره اوكع بنظراته البريئه وردة فعله المدافع والمستنكر اكره نفسي لان اخلي روحي بهج موقف اخذت عهد عله روحي ماستعجل بالحكم واتأكد ياله احاسبه بس هم ماكدرت الزم نفسي من شفته شمسويه وشلابس بعرس اخوهه كوه لزمت روحي ماسحلته  كدام العالم واني اشوفه تحجي ويه شباب ثنين من كرايبهم وصعدت وياهم وكسرت حجايتي بقت منتظرهه عله نار رحت جبته وماتحملت الى ان توصل للبيت بديت احاسبه الى ان شفت الغضب الي لابسته شعري راسي وكف واني اتخيل هيج شافوهه تفتر بنصهم قسيت عليه بالحجي حته توعه وتعرف الشي الي سوته غلط
يعني كدامي تتختل ولبس محتشم وحجاب وكدام العالم بكامل الاناقه والجمال شتريد توصل مادري وجماله تحسسني اني مقصر بحقوقه
ماعرف شلون لزمت روحي منه بذيج اللحظه جان طلعت نار كلبي كل بيه وعلمه الله حق

وفوكهه هيه الزعلانه بقت اسبوع يجر اسبوع لا تصلت ولا عتذرت ولا اشوفه اصلا من اجي حته ملابسي وغرفتي عافتهن بت الكل--
ستغفر الله  حاولت اجيب براء لبيت اهلي برمضان بس ماقبلت وكالت استحي من اهلك اضل بس نايمه وحالتي تعبانه اذا تريد انتَ روح ماكدرت اعوفه كضيت رمضان عله اكل السوك الى ان امه رجعت من السفر وديته واخر يومين رجعت لاهلي ستوني حسيت برمضان همزين لحكت عله اخر يومين

والغضب جانت  بعده دايره وجهه عفته ولا عبرته رغم مقهور من تصرفاته حته من امي كلتلي اريد اخذه لسوك ولصالون ردت اعاند ومااخليه تروح  بس ذكرت ماخليته تروح ويه البنات رغم حسام طلب مني بس جنت مقهور منه بس بعدين من شفته شلون مكسوره وهذا عيد وامي لحت عليه كتله خلي تروح
وبيومه حسام اخذهم ورجعهم واني بقيت يم اصدقائي عله السحور

ثاني يوم صفنت عله غرفتي بوكته
كلت  باجر عيد والغرفه كله تراب خلي انظفه لا خلفتلله عليه  نزلت ملابسي الوصخه  وخذت مواد التنظيف من شافتني صحه ضميره فجئه
كالت اني انظفه مارديت  عليه وصعدت  وبديت انظف وره  شويه صعدت وجايبه المعدات بكلبي اكول بعديش كالت خلي انظفه ماجاوبته ضلت تلح ماحاجيه اريده  تنزل بس من كالت اسمي
ماعرف شحسيت اول مره تكوله
وبطريقه ماعرف ليش ستوقفتني يمكن لان مامتعود بس هم خلت وياهه كلمة عمو الي ماعرف شنو مناسبته
بقيت اباوعله ومادري بروحي وهيه تباوع بكل المكانات اله عليه  حركاته دل عله ارتباكه وخجله ذكرتني بموقف المخزن اجت توكع بيدي رجفته وخوفه توتره بوقته حته دكات كلبه سمعتهن يدكن بصدري
تقربت عليه اقره واترجم واحل الغازه الي عجزت ان احلهن  رفعت راسه باوعتلي بعيون حايره وتايهه
ضليت صافن بتفاصيله  كله متغيره  حرت بين اترجم تصرفاته لو احزر شمتغير بوجهه بديت من بؤبؤ  عينه العسلي الي يتحرك بخجل وتوتر لرمشهه الكثيف المطبوك  لحاجبه  لخدوده لمورده لشفايف  الترجف برتباك 
رفعت عيني بعينه   بعدت عيني لا اضعف وانه لسه مالكيتلي صرفه استند عليه   طيته الفرجه ونزلت وبعقلي كومه امور اريد احلهن
وتأكد منهن واخلي خطط وارتب وضعي المخربط ضليت اكمل شغلات البيت الي امي كلفتني بيهن  رحت للمطبخ  لكيت امي تشتغل وحدهه  سالته ليش وحدج كالت شهد نايمه  رحت لغرفته فتحت الباب لكيته مو نايمه مستشهده هههه
عفته عله راحته  واني كملت وياهه  كلشي كالت اني راح اكعدهه راح يأذن خلي تكعد تفطر  اجت الوجه احمر ومورم من النوم كعدت  تباوع عله اللبن وتخجل تمد ايده صبيتله وخليته كدامه اخذته مثل الطفله الي ينطوه موطه منظره تحفه صبيتله بعد ومستمتع بشكله وبشواربه اللبنيه ههه 
اشرتلهه ولا يمه بعده النعسه بيه كاعده كدامي تصنيف اريد اطكه ضحك بس كوه مصيطر عله روحي وهيه تستوعب عله كيف بعده ماشاحنه زين تكطع بالأستلام والارسال اخر شي اجه ابويه وبده الغزل المبطن بينهم واحنه مثل السناكل كاعدين بنصهم الى ان ابويه ركعنه بحجايتين  تذكرت هاي المكموعه مرتي باوعتله كامت تاكل بسرعه تضيع السالفه اخر شي كمنه نداهر وصار ضحك شالت راسه مبتسمه اني همه بتسمتله واحس كل الجليد الي بينه  ذاب
بقت شغله وحده اتاكد منه ويرتاح بالي وطمئن و - -