حريتي

١٣

حريتي💔
فاطمة العامري ✍️

-بالغرغره الهج بيك بمنازع الروح
رد خل ملج الموت متفشل يروح

-الله عليك

-اه شعظمها تصير ساعات الوداع
تتخورس الجلمات ما تطلع بساع

-اي ماتطلع بساع ههه  الله عليك سيد وسام
 يله عباس رد عليه

-تبقه بوسط هالروح
تبقه انته ظلعي
ولو أحسب الغالين
إنته اغله ربعي

-كففو كفوو والله

_احلفلك بأاهل البيت
و الكفل أخته
والله امن اعد اعزاز
أولهم انته

- اييه عاش لسانك ونعم اسمع هاي ههه
الدهر لو وازاك
طگلك اجگيره
هم تسكن  وجع الروح
وهم راسك تفره

هههههههه لا مو هيج
الدهر لو وازاك
إزرع طماطة
وازرع بصفها خيار
واشبع زلاطة

-ههههههه دومك عملي سيد حته بشعرك

-شلون لعد محسوبه يله حسين جاوب

- من تفزع الروح  جنك وجع بيك
اتعارك ويه النوم   من يغمض العين
اسحب فشك للروح خافن تروح

هاي شني هاي    الفشك شجابه بالنص لو لازم  تخلي رفيجتك بالموضوع ههههه

-عففففه عليك سيد جا الدنيا متراد اذا مو شاجوري يسرح بيه   وكام وسحب قسام

جاوبته اكعد اكعد يخوي  لا تسويلنه سالفه وهسه الابهات كله تفزع  هههه اكعد وصبلنه جاي بعد

جنه كاعدين اني وصحباني   اصدقاء طفولتي من اجي هنا يم اهلي التقي بيهم بالليل نعلك نار ونفرش ونخلي الجاي ومرات كهوه بكعداتنه ننسه كل التعب ولهم    وكلمن يحجي عله حاله واخبار ونتاقش بأمورنه ونختمه   بقفشات شعريه بالتناوب   عباس اكبر منه بسنتين مزوج وعند ثنين ولد موظف بدائره الكهرباء  حسين بعمري مدرس اعداديه وحاليا قدم عله ماستر شكد رته وياي يقدم بس جان  اكو مقعد وضيفي وكلوله اذا متقدم السنه على تعين يروح عليك فتعين سنتين  وهسه يدرس  بأجازه  من تهفت النار وتخلص الكعده كلمن يروح لهله اني اخذلي فره بالبستان كل عاده لان جياتي قليله لهنا وكضيهه مشاغل ومشاوير
بالليل ياله ارتاح وضل اتمشه وهدي بالي وفكري شلون امشي اموري ويه حياتي الجايه وخاصتآ ويه مرتي الي تورطت بيه ماجنت ادري بيه مريضه  اله من وكع الفاس بالراس بوكته اله شويه اطلكه لو ماكاسره خاطري بنظراته ومرضه   اذكر من اول ما  وكعت  بالكليه لو رايح وياهم للمستشفى جان عرفة حقيقه مرضه ولا تورطة ولا زوجته بس بعد شسوي قسمه عله كولت الي يكول ومن جهه ثانيه ورطتي ويه المره الي خلوه بركبتي لا هيه فعلا مرتي ولا هيه مو عله ذمتي ضليت مثل بلاع الموس
ماكسرت حجاية ابوي من دك صدره الهم وكلهم انه احل الموضوع وجايكم خطابه بيوم ضليت اشوط وحترك والبيت نكلب شلون يورطني ابويه هالورطه السوده بس قهرني وكال ترضاهه يكولون السيد مو كد حجايته وابنهم مقشمر البت واهلله كاتليه لو ماستر الله ضليت مثل الغركان
لا اكدر اعوف ابويه بهذا الحال ولا اكدر ادور وجهي وجماله من عرفت هيه شهد صديقة بنات اخوي ونفسه الي شفته اكثر من مره بالبستان بنص الليل
وبوكته منعت البنات منه ماكو هيج بنيه
شلون تطلع بالليل وحدهه تفتر ادري شعدج ماكو غير لو متواعده لو عدهه بلوه لعد شنو سالفته وانه اشسوفه تتلفت وخايفه صح تابعته وماشفت احد وكف وياهه بس انه مو دائما متواجد هنا اكيد اكو شي
صح نظراته وتصرفاته جانت بريئه وطفوليه بس زادت شكوكي من صارت سالفة سيف كلت هاهيه لعد جانوا يتواعدون رغم سيف يحلف ويتكفر ما متواعدين خنكته  اله شويه يموت بيدي  لو ماخالي يفكني منه بس ماصدكته ولا صدكتهه من كالت ماادري بي هو وعله اساس متعرفه
جا والعلاقه شلون صارت وجماله راحين سوه لزياره مرتين  مافتحنه هذا الموضوع بعد غير اخر مره بيوم العرس المزعوم ماجنت اشوفه عروس طفله طفله بمعنه الكلمه ولا انه المفكر ارتبط بيه لسه اشوفه الجاهله الي تكمز وتلعب  هيه وكصايبهه الشكر وعيونه الشهل جنت اجره من كصيبته وتضحك هيه وزينب وزهراء وشيسون البنات هيه تسوي هنه يكللي عمو طينه فلوس هيه هم تكول عمو طيني فلوس  بس اذكرهه بعمر خمس سنين سته جنت بعدني طالب  يلعبن سوه  ماعرف شوكت كبرت اصلا ماعرفته بيوم شفته بالبستان تفتر اول مره حته ستغربت كلامه عبالي مو من هاي المنطقه  وثاني مره جنت شاك ونوب جنت اشوفه تفتر وتتلفت يمكن حست اكو شخص وراهه بس ماخليته تشوفني  تاكدت هيه من دخلت لبيتهم