حريتي

٢٤

حريتي💕

ثاني يوم الحمدلله جاوبت ومتأكده من اجوبتي طلعت فرحان اريد ابشره طلعت زينب هم مجاوبه كعدنه بالسياره نحل الاسأله
وصلنه قريب البيت ونشوف هوسة زلم باب اهلي كوه فاتت السياره واني راسي على بيتنه صياح وعرك وهوسه نزلنه مادخلت زينب تجر بيه اني كلبي وكع بالكاع اباوع المصايح والهوسه ولخة زلم ماعرف منو مامنو كوه جرتني زينب واني افلت بأيده اريد اعرف شكو واصيح عوفيني زينب صارت طلقات وعله الصياح كلبي وكع بالكاع
وصارت ركضه الي ضربوا شردوه وناس دنكت وناس تركض متت خوف وكوه اجر نفس حسيت واحد من اهلي بي شي يصيحون مات ناس تصيح شيلوا  وجان اشوف الزلم يركضون وشايلين ستار مدمه مدد عطت وركضت بلا شعور زينب تركض ورايه رحت اصيح وملخ بنفسي فاقده اريد اصولهم ماكو لازميني اخر شي نجريت حييل عمو طببني للبيت   كام يهدي بيه واني مرفحه صاح ييه هدئي مابي شي باوعتله متهستره اصييح مات مات شفته مات ستار كتلوا كتلوا اخوي هذا كتلوا اريد اطلع هو لازمني  كوه اوخر بأدي اريد اطلع حضني حيل مجتف ايدي يهدي بيه مابي شي بس هدئي ودوا المستشفى اجتي خاله لزمتني حييل كوه مثبتني  كله

يمه انا راح اروح لا تخليها تطلع

خاله تبجي وياي وتصيح

يمه اسم الله عله اسمه سم الله روح يمه روح لزمتني هيه وزينب واجتي ام زهراء واني ادك واللطم ماراح منظره من عيوني

لبسوني اسود بعد ما اجاهم الخبر وخذوني لاهلي واني بس ابجي شفت امي وخواتي ملخات روحن وكابلتهن الطم واحجي شلون مات وليش كتلوا  امي دك عله رجليه وتنحب ملخه خدود

ثار اجو اخذوا ثارهم منه طك ابن عمه امس وهمه ردوا علينه وكتلوا وليدي ولد عمه كتلوا يمه يستار يمه كتلوك يمه ويتموا جهالك يمه وابوك الي راح يموت وراك يمه

خواتي يصيحن لتفتت عليهن وين ابوي

ابوي وكع من طوله وهسه بالانعاش ابوي راح يموت كلبي كمشني نوب ابوي سم الله بقينه بلوتين بين ابوي واخوي يومين واجه خبر ابوي هنا اني فقدت وماجنت اتوقع ابوي وستار هيج غالين عليه حزني صار حزنين وعذابي عذابين واني اذكر شلون اذيتهم بيوم وزعلتهم من اصعب الايام الي مريت بيه
بيت اهلي نطفه  حيدر نكسر ضهره امي فاقده سند مصدومه شيماء دمعته تجري
البنات ماعافني وخاله وام زهراء يوميه يمنه واكفات وكفه كوه احجي وياهن صوتي ختفه من الصياح والبجي

يوم السابع صارت كعده ثانيه حقنآ للدماء وجدي هم اجه  قنعوا حيدر يسد منبع الدم ويقبل بالفصل ودخلت شيوخ ونحل الموضوع بفصل بس حيدر ماقبل بالفصل وكلهم حكي اخذه منكم يوم القيامه فلوس الدنيا ماتعوضني ابوي واخوي
بس الشيخ كال لعد الكاع ترجع الهم لو ثمن الكاع
وهيج نسد الموضوع بس بعديش الراح راح ومامنه رجعه وره ماراحت الزلم اجه حيدر وكف بالباب كال حضري روحج كلت لسيد ياخذج ويا كال بس اوصل الولد عله متحضر روحه  روحي ويا شنو ضلتج بعد الرجال هم تعب ويانه كل هاي المده
امي اشرتلي اكوم كمت لملمت ولبست حجابي وعباتي طلعت جان واكف يم حيدر يسولف بس صارت عيني بعينه نهضمت وهو نظراته كله حنان وحزن تجه عليه لزم ايدي وباس راسي واخذ من خاطري واني دموعي صارن شلال بجيت بهضمه  حضن راسي عله صدر وكلي الله يصبرج والله يرحمهم سلم عله حيدر وصلني لسياره وفتحلي باب السيارة كعدت اشهك رغم المسافه بس اجاني بالسيارة طبكه قبل مننزل كال تردين افرج شويه تشتمين هوه هزيت راسي بلا نزلنه لازمني طبيت للبيت شفت جدو لو نتهيت كأنما  شفت ابويه هو هم شبكني ويبجي كوه خاله وخرتني طببتني لغرفتي كعدت عله الجربايه روحي رايحه رأسآ خليت راسي عله المخده غطتني وطلعت شويه واجه جايب صينيه كلي كومي اكلي اشرتله ماريد جر ايدي وكعدني
سوالي لكمه خذته منه وصافنه