حريتي

٢٦

حريتي💕

بقيت كاعده بغرفتي حايره شتصرف ألم ملابسي وروح لأهلي لو انتظر اشوف شيقرر تعبانه حييل كمت بدلت ملابسي دخلت خاله كالت

شبيج يمه شصاير ليش هيج وجوهكم مكلبه

كعدت صافنه عليه غرغرت عيوني تقربت يمي كعدت
خليت راسي بحضنه ودموعي تنزل بهدوء
كامت تمسح بشعري وكالت

ماتردين تحجيلي غير اني امج

تعبت يمه تعبت كلما أكول هاهيه راح تمشي وياي اوكع بورطه جديده

ياستار هو شكو شحلاتج وزينج شبيج اضن وسام وياج

يوم كلش تعبانه وراسي يوجعني اريد انام

وخرت راسي وعدلت المخده ومسحت دموعي وطلعت نمت بدون حته تفكير لان تعبت من كلشي
ستسلمت وماعرف شكد نمت بس احس راسي ثكيل وجسمي تعبان وخاله تكعد بيه كوه فتحت

كومي يمه كومي تعشي شبيج مصخنه لزمت كصتي وكالت  يمه مصخنه كومي اكليلج لكمه وغسلي وشربي دوه كومي

ماكدرت حته اجاوبه رجعت نمت وما حسيت اله ايد جوه راسي ويضرب عله خدي بهدء كومني كوه للحمام وكلسى اريد اوكع جان حاضني بين ادي غسل وجهي شهكت المي بارد مامستوعبه بعدني بس اسمعه يكول صايره نار ويغسل بوجهي بس اريد اوخره ماكدر اوكف اريد ارجع انام اعضامي كله تصل عليه رجعني وكال لتنامين اكلي حته تشربين دواج باوعتله شلون خايف ومهتم   رجعت  نمت ماحس غير جابلي العشه يوكلنه واني صافنه عليه مامصدكه
وكلما تصير عيوني بعيوه يبعده  ويكلي يله اكلي

------

وسام

من يوم الي طلبت مني داوم وعلاقته كلش تغييرت نحوه الأحسن رغم طريقته حته اقبل صدمتني من تقربت مني بغراء بس عذرته لان جانت تريد كلشي تسوي على مود اقبل رغم هذا مو طبعه لان سنتين هيه ويانه مافد يوم حسيت بيه تريد تتقرب مني او تسوي شي يجذب انتباهي بس لان جانت مستقتله عله دراسته وبلحضه حسيت تريد تساومني بين دراسته وتمام زواجنه نقهرت وحسيت جاي تستغلني بس بكلامه جان اكو بي وجهة نظر انو لازم أثق بيه وهذا جان حبل ود بينه وانطيه اهميه ومكانه بحياتي حته تحس اني مامجبور بيه ومقتنع
راح اعتمد عليه وكلي ثقه ابدي وياهه بدايه صحيح وفعلا قتنعت لان ماشفت عليه أي زله وحسيت بهتمامه ونظراته انو هيه هم متقبلتني وصار بينه شي مشترك بالتقبل وبداية اول خطوه صحيحه ويوم عن يوم كام تثبتلي هيه كفئ من مدارات لاهلي لدراسته لحرصه لمثابرته لطفولته واكتشفت بيه شغلات حلوه ومرحه ونظيفه وأم بيت وشطوره وطموحه وعفويه وحته حزنه عله اهله أثر بيه وشعوره بالمسؤليه كل هذا جان يرفع كفته بالميزان وتحصل اعله درجات التقيم مني كزوجه للمستقبل بس بقت شغلة وحده
انو اكو شي بينه وبين زينب جان دائمآ يراودني وأبعد الفكره من بالي انو ماكو شي بس بآخر فتره لاحضت هذا الشي وكلت لازم اكتشفه من راحت زينب وياهه اخر امتحان ومتوتره ورتباكه من اسأله واعرفه من تجذب تكوم تباوع ليفوك صرت احفظ كل تصرفاته وحركاته فكلت اكيد اكو شي حاولت مابينلهم ولا اسألهم تصلت بالسايق اني اجيبهم 
ورغم لشفته ونصعقت بي بس اكو شي بيه مصدكه واثق بيه رغم شفت بعيني تحجي ويه شخص غريب وزينب تجر بيه بس اكو ان بالموضوع بوكت ماجان بالي غير احتمال واحد
سألته وحاسبته  زيدت حيرتي وهيه تبجي وتعاتب زين اني شسوي بهاي الحاله مصدكه بس شلون اجذب عيوني زين ليش متحجي الحقيقه عفته وطلعت والدنيا كله طلعت من عيني شسوي شصرف
فتشت الموبايل مالكيت شي رجعته لزينب الي جانت حاله مو احسن من حال شهد ماردت افقد اعصابي واستعمل الضرب والاهانه اريد اعرف الحقيقه باقل خسائر رجعت سألت زينب بهدوء بلكي الله تريح بالي وجانت الصدمه اكبر من توقعي من حجتلي كلشي بحضور امه تخبلت بس امه مجانت تدري راح تشوفه وحجت وياي بترجي لا ابوه يعرف وانو هيه غلطت وبعد متعيده وهو نية حلال بس تصرفهم غلط طلعت منهم مصدوم بنت اخويه الي معتبره طفله بريئ وطلع منه كل هذا وفشلتي ويه شهد شكله وبت اخويه سوت الي جنت ألومه عليه وجماله هيه دافعت عنه وماحجت ولا انطت بيه ماكدرت ارجع للبيت طلعت اتمشه وكعدت بمكانه واني اذكر كل حجيه وبجيه وخوفه وتطلعاته وتفائله وضحكه كلهن بالي
شلون شكله شتعذر واني رجعت شكيت بيه شكله وبت اخويه الي نزلت راسي طلعت موبايلي واتصلت عله امي سألته شلونه كالت كلش مريضه كمت عله سريع لصيدليه جبتله دوه ورجعت للبيت جانت نايمه ومصخنه اكعده متكعد كوه كومته اغسل بوجه كوه واكفه وتشهك من المي ومدري شتحجي وتخربط بالحجي اريد اثبته كلسى تريد توكع بيدي رجعت احاجيه مو يمي بس تفتح وترجع تنام
شسويت بيه اني.  اني وأهله وسيف احس جرمنه بيه كلمن اخذ حصه بعذابه تألمت حييل من وضعه طفله ماشافت غير بس العذاب اذكر حجيه بأول يوم اجت بي بهذا البيت شلون تحجي عله المجتمع والرجال بشكل خاص حقه بكل كلمه جماله اني اجيت كملته عود ثقت بيه وامنت رجعت خذلته بس شسوي اني هم نخليت بموقف لا يحسد عليه