حريتي

٢٩

بطريق رجعتنه كتله
خلي نمر عله الصيدليه اخذ علاج

لتفتلي وكال ماليش

اء اء مسكن آلام مال شهريه

مو خلصت باوعلي مبتسم

درت وجهي للجامه استغفر اني وين وهو وين كتله

اي بس بس احتاجه تصير عندي تقلصات دائما

اخذج للطبيبه اذا هيج

لا لا ميحتاج بس اريد صيدلانيه حته اني احاجيه

هز راسه مامقتنع بس شافني مصره

وصلنه الصيدليه بعد ماعبرنه هوايه مابيهن بنات بس هاي من شاف البنيه كال يله نزلي يريد ينزل كتله

وين بس اني. ستغرب وكال

لييش

اء خاف تنحرج

هههه هيه تنحرج لو انتِ لو اني

هيه

هاي شغلته ضحك كال نزلي نزلي

يبوو شلون راح تفض نزلت من لا جاره وشكد حاولت ابعده ابد واكف ويسمع تالي خذت بس دوه مال تقلصات وافكر شلون راح ادبره وماريد احد يعرف بالموضوع لان كله متقبل اصلا يعتبروهه جريمه بحقهم وهمه متلهفين على ريحة الطفل وصلنه للبيت بعد ماسلمنه وكعدنه اول مادخلنه لغرفتنه كنما اجدد عنده النشاط والحيويه وخاصتا صارلنه اكثر من اسبوعين ماعولت أفلت منه بحجت اروح اسبح اول
كوه فلتت روحي واني بالحمام افكر شسوي شلون راح انفذ بروحي ماكو غير زهراء بس شيطلعني وهو منتظرني على نار بالغرفه ماكو غير مكر النسوان ماعندي حل عقدت النيه وبديت بالتنفيذ وكعت نفسي بعد مالبست البرنص وفتحت مي شويه حار عله رجلي حته تبين حمره وسديته وصحت حييل اجه يركض شافني واكعه بالحمام ركض عليه كومني بقلق كال

شبيج شون وكعتي خو ماتاذيتي

كمت اصيح رجلي يمكن انكسرت شالني وهو يكول

لا سم الله ماكو شي لتخافين خلاني عله الجربايه ويتفحص رجلي واني اكله لا وخر توجعني بقه حاير خطيه نقهرت عليه بس استسلمت كال

خلي ابدلج اخذج للمستشفى

لا لا ميحتاج بس رض يمكن بس اتصل على زهراء خلي تجيني

شنو تردين كولي اني يمج

لا اريد زهراء

شسويلج زهراء قابل

وسام أريده كلته بنتر

بقه صافن عليه اخذ موبايله وتصل عليه حته تجي
اني اسوي روحي متوجعه وافرك برجلي بقه يباوعلي وأيده عله خصره دقايق واجت زهراء ضليت اباوعله حته يطلع حس وطلع هو طلع واني جلبيت بزهراء

زهراء عفيه ساعديني

شبيج شكو تتفحصني بقلق

مابيه شي لتخافين وكعت بس مو مهم هسه اريد منج شغله مهمه