حريتي

٣٤

ماحس اله صوت الهورن كعدت عدلت نفسي متكسره تكسر باوعت احنه وين واصلين
بالسوك وأكثر منطقه مزدحمه مابقه شي شكد نمت  لزمت راسي ألم فضيييع اغمض كل قوتي وافتح اريد اركز اريد الألم  يهدئ ماكو شلت راسي اباوعله نظره ليكدام وبعده عيونه تشدح نار ويزابك ويدك هورن ويغلط عليهم ضليت صافنه عله الجامه إلى أن وصلنه حجايه وحده  ماكو بينه وكف كبال بيتنه

ههه ياسُخريت القدر مثل مارحت رجعت
لا  ورجعت محمله هم وظلم وقسوه
وايام متنسي وذكريات حلوه وحب.
باوعت عليه بالمرايه اريد املي عيني منه بالنظره الاخيره هو هم رفع عينه يباوعلي  اووف
ماعرف شكول بهاي اللحظه خذلان حقيقي بدال ما اكون اني المظلومه صرت الظالمه عيونه تحجي عتب سنين ولوعة كلب وغدر وانتقام ماكدرت اقوم نزلت عيني ويه نزلت دموعي سديت الباب وتجهت لباب اهلي دكيته من فتحولي ياله راح امي ستغربت شكلي ولطمت عله صدره حضنته اشكي وابجي بقهر كابلوني كلهم سولفت الي صار ويه وسام فقط ماجبت طاري سيف نهائيآ    حيدر كام يلوج ويضرب عله رجله بحسافه تخبل  يريد يروح يحاجي امي كعدتت ولامتني ونتقدت تصرفي شلون اضم عليه هيج موضوع وشلون هيج اتصرف بأناتيه وليش نتظرت ياله سويت هاي المشكله ليش من البدايه ماحجيت شمعنه هسه كلهن جمعتهن
سكتت  هذا الشي الي ماكدر اكوله ولي الكل ماقبل عليه حته من وصل الخبر لخاله والبنات وام زهراء وعمو حسام

الكل تخبل وماقبل  على تصرفي كلهم اجوا ويردون يصلحون الموقف يحجون ويا هو قافل  واني مصره على رأيي

  بقت الأمور سكت اسبوع مر وهو ولا اجه ولا تصل من يوم الي عافني وراح وخاله تزعل وتحجي عليه لمن تمل وتروح وميطيه كلبه وترجع تحجي والبنات نفس الشي واني إذا الحايط حجه حجيت مع انو البنات اغله شي عندي واسراري كله يمهن بس اذا احجي اكيد ميسكتن وتصير مصيبه

وهذا الأسبوع الثاتي خلص وبده الدوام واني حايره شنو اسوي بس فكرت بمستقبلي لازم اكمل وعيش حياتي موضوعي مبين مقفول من كاعه مادام سيف موجود اني مو بالوجود دمر حياتي  ومستقبلي بس لهنا وكافي مادام حيدر وياي اكمل

صح اضعغف وحن لصوته  والكل مواقفه بس لازم اكوم على رجليه وارويه اني مو وحدي ولا ضعيفه ولا محتاجه احد يشيل مسؤليتي ويحملني جميل لازم اثبت روحي بالمجتمع واخذ شهادة وعتمد على نفسي

حجيت ويه حيدر وكال اكييد تكملين دراستج ولا يهمج اتصلت بالبنات يجبن بس كتبي وماريد اي شي ثاني واكدت عليهن

اجتي خاله وزهراء وأمه جابن الكتب وملابسي ماقبلت بس خاله كالت اززعل ومااطب بيتكم بعد وذني بس الي تحتاجيهن هسه مال الدوام الملابسج الباقيه كلهن على حطتهن عندي امل كلشي يصلح وترجعين مثل قبل تحجي وياي بس كلش زعلانه عليه من موضوع منع الحمل

خذتهن وسكتت بس الي مستغربته ابد ماجاب طاري طلاك بس يجوز  كلهم وهمه ماقابلين او ميحجون بس اذا يريد يحجي ويه حيدر مباشر
توقعت رأسا يطلك اووف ليش عافني معلكه اكيد يريد يعذبني بس لازم اتصرف ماخلي يتحكم بيه بعد رحت الحيدر وطلبت يكله على طلاك ماقبل وكال
ليش تردين  تطلكين تره سيد  وسام خوش رجال وماقصر وياج وانت غلطانه فوكه اني اكله طلك اختي بيا عين