خاله تصلت تستفسر امي حجتله وتعاتب بيه
عفتهم وطلعت بره منتظره حيدر تأخر سمعت موبايلي زهراء شلت على السريع بس اريد خبر
شهد شنو الصاير يمعوده
كولي شنو الما صار
يا شكو احجيلي شسوه سيف
بعدين بس كليلي هسه شصار
اجه اخوج وماخله بينه
شكال
شنو ماكال
يمعوده احجي كلبي خلصان
يدور على سيف وحاجه ابويه بحركه واعصاب لان عرف سيف مهددج وماتصرف وكله لان عرس بتكم باجر راح اسكت اليوم لأن ماله ذنب بس باجر النه حجي ثاني وسيف طلعليا من جوه الكاع إذا ماعرفت تكسر رجلي اني اكسرهن وعافنه وراح
وابوي صار بنص هدومه ويتحلف بسيف
شيريد يسوي قابل جان سوه
هو بوكته رزله وطرده بس سيف اجه عتذر وحلف بعد ميندك بيج ولا يدخل لبيت جدي
اي وسوه النكس
شسوه
خطفني
جذب
حجتله كلشي ماتت قهر وعتبت عليه ليش ماسولفتله سالت على زينب وكتله لجيبوله طاري خطيه خلي تفوت بفاله وسديته
وين ياله اجه حيدر رتاحيت من شفته حته ماحجينه المهم شفته اجه
وخاله تلوب عليهم ثنينهم تكول وسام مثل النار لا يهدء ولا يحجي بس يفور وخاصةً
من محاجي حيدر وخايفه على سيف منه اتصلت عليه وكايلتله اشرد عن طريق خاله لان اصلا موبايله مغلق وثنينهم يدورون عليه
وره يومين وسمعنه الخبر اجه حيدر كال
خذتلج ثارج كسرت رجليه وشمرته بابهم
بلعت ريكي. خاف ماتت ونبتلي حته خفت أسأل
سكته محد خابر دزيت رساله الزهراء اسأل
ردت سيف بالمستشفى مكسر لان حته عمه لازمه مكسر أدي فوك كتلت حيدر
ماعرف شكول ححل لو انقهر عليه
ورجع الوضع هدوء اتصالي بس ويه زهراء وحته خاله كطعت مقهوره على ابنه
وره اسبوع حيدر كعد وياي وحجه بوضوح كال
شنو تردين بالظبط طلاك لو شنو
حجيت محرجه صح كلش مقهوره منه وأريد ابتعد وماارجع بس من تصير ام الصدك صعب اطلب الطلاك خاصةً وضعي حرج هسه ماعرف شكول
سكتت كال احجي شنو بالج
اريد رد اعتبار
اني حجيت الي لازم ينحجي وخذتلج حقج بس بقه شنو تقررون اني ماادخل بس اذا تردين تطلكين عين غطه وعين فراش ومو هين عليه اختي تطلك وينهجم بيته بس اذا البيت اساس
راخي ماله مستقبل
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
