حريتي💕
فاطمة العامري ✍️
سمعت الباب ركضت فتحته شفت زهراء وزينب كيفت كمت اطفر سلمت عليهم ولبتسامه العريضه ضليت فاتحه الباب من سلمت عليهم ودخلوا كتلهم
وين خاله لعد؟
لا بس احنه عمو وصلنه وراح
ها شعجب
بيبي طالعه لسوك واحنه ضلينه نتوسل لماما
سمع عمو كال اني اوصلكم
أجه عمج؟
اي اجه ويانه
ها زين يله يله تفظلوا.. تفظلوا
كضينه وقت يجنن بس اني اتحصر من يسولفن شسوا بغداد وين راحوا وششتروا
وشصار بيت عمهم كلشي حجولي
وجايبلي هديه جنطه فرحة بيه جلبت بيهم للعشه بس دكو عليهم اباوعلهم شكد حلو عدهم موبايل سدته زهراء وباوعتلي يله حبي نروح عمو كال طلعولي
نقهرت كتلهم مو طولون عفيه ماعدي غيركم
طمنتني كل خميس او جمعه نجيج لان خلصت العطله ويلتهن بالدراسه
لليل كلها نامت لبست وطلعت علكيف كل عاده طيت مي للدجاجه الكافه خطيه صارله شكد كافه عله بيضاته وفتحت باب الخلفي للبيت وطلعت تمشيت بالبستان الجو بارد حييل بس مستمتعه بي رحت للحيوانات فتريت عليهن نوب رحت يم الساكيه لان نشفت الكاع شويه كعدت يم المي لافه روحي بس الكاع ثلج ورطبه كمت ادور بلكي كارتونه او شي حته اكعد عليه سمعت صوت ورايه
خفت ختلت وره النخله ماكو شي ضليت ادور عبالي غلطانه رجعت طلعت كعدت بس كلسى التفت احس اكو شخص خفت لان حييل سنطه وظلمه والاضويه بعيده صارت مال البيوت وبس صوت الجلاب كمت ماعرف ليش خفت مشيت علكيف هم حسيت حركه رجعت باوعت كلت منو هنا ماكو شي باوعت عله الكاع شلت طابوكه جبيره للاحتياط ومشيت سريع طبيت خايفه ورحت نمت
ثاني يوم نفس كل يوم روتيني العادي
بس بالليل لازم اطلع الضوجه تجبرني اطلع لان احس روحي مثل الطير الي بالقفص اشوف السمه وشتم الهوه واشوف الحيوانات والاشجار ياله ارتاح وكنو جزء من يومي جازفت وطلعت بس حذره حييل وخايفه المشكله بستانه مامحدد يعني مو بس بستانه كل البساتين هناك مابيه سياج ناس عله ناس
كلمن يعرف حد بستانه لان المساحات جبيره فميسيجوهن جيرانه عله اليمنه
بيت جدو ابو حسام بيتهم بمقدمة البستان وبيت فلاحهم بنهايته بيت صغير بستانهم اكبر من بستانه اضعاف ماخذين تلث ارباع يعني الجانب والخلف بيتنه كله الهم والي بصفنه من الجهه الثانيه
بيت ابو اسماعيل علاقتنه بيهم مو قويه بس بالمناسبات وبناتهم كبار ومزوجات وعدهم ولد
نص مزوجين ونص لا المهم طلعت واني حذره خذتلي فره ولكيتلي عوده طوله اخذته ضليت امشي واتلفت وصلت يم الساكيه الي صايره بنهاية بستانه يسموهه الجدول أو السنيه او الشط
تفوت عله كل البساتين كعدتت اباوع للمي يميش بهدوء عله ضوء القمر الخفيف فجأه سمعت صوت الجلاب قريب كمت بخوف اتلفت ماشوف غير اربع جلاب من بعيد جايات يهرولن ويعون قبل ميشوفني ركضت وميته خوف كلما اركض احس صوتهن يقترب حته مالتفتت
بس المشكله اجن من مقدمت بستانه يعني من جهت بيتنه واني ركضت عكس اتجاه بيتنه وين اروح مادري بس المهم شردت
خذت مسافه ارجف من فوك ليجوه خفففت لتفتت ماشوف من الظلمه بس صوتهن وكفت وره اشجار الرمان كوه اجر نفس كعدت ودخلت بين اغصان الشجر حييل حشكت روحي تجرحت اديه ورجليه وميته خوف غمضت واسمع الصوت تقربن يهرولن ويعون كلبي راد يطلع من مكانه غمضت حييل وكأنوا اذا ماشوفهن ميشوفني مرن من يمي يشمشمن احس ويعون صوتهن كلش قريب عليه نتهيت واني سمع صوت الجلب والهث مالته قريب حييل مسافة متر تقريبا
قريت عله روحي الفاتحه فجأه سمعت صوت شخص طردهن وشمر عليهن حجار وبتعدن واني كوه اتنفس وبعدني مكوره روحي سمعت صوته
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
