وره ولادة زينب الغرفه صارت وحشه علينه
زهراء هم اخذت اجازه وراحت ويه اخته وبقت بس اختي بالغرفه ومرات يجون ويانه صديقات سند ذني ماخذهن الواهس مرحله أولى بعد يضحكن للهوه ونشاط فوول
اعوفهن يسولفن وانام مرت هاي اليومين هدوء نزلت لأهلي امي جانت مريضه ودخلناهه مستشفى
صاير عده التهاب حاد بالرئه ماداومت علموده
من صارت زينه ياله رجعت وره اسبوع تراكمت عليه الماده بديت اخذ المحاضرات من البنات واقره قراءه مكثفه بالمكتبه اعوض الفاتني
خلال هاي الايام جانت اكو تجمعات ونشاطات نسويه بحقوق المره وحمايتها من التعسف وصارت حركه بجامعتنه وطوعن بنات طوعت وياهن وكمنه نجمع من الكليات البقيه وصار عدد جبير من الناشطات بدينه نسوي لافتات ضد انتهاك
لحقوق المرأه واعتراض على قانون ٣٩٨ العراقي
والقوانين التعسفيه ضد حمايها
بديت اغوص بهذا المجال وابحث أكثر
عن حال المرأة في المجتمع السياسي
وعن حاجتنا الحقيقية و الثورات العقلية والاجتماعية ووصف صنم الذكورية الذي ما يزال شامخا يطوف الناس حوله..
وبدت حملتنه بشعاراته مو بس بحقوق المرأه
بتعسف الرجل الشرقي وسيطرته المطلقه
فهذا الشي آثار غظب بعض الذكور وصارت اكو مشاكل ومشادات كلاميه بينهم
فد يوم جنت منهمكه بالمكتبه ابحث بقوانين تمكين المرأة هذا المصطلح متعلق أساسًا بالعمل على الرفع من قدرات المرأة علميآ وثقافيآ واجتماعيآ ودماجها في التنمية المستدامة
وتضاهي الرجل في العمل وحمل المسؤليات معه
وهذا المصطلح اسم منظمتنا
دا اكتب ملخص كلمتي..
سمعت صوت يشبه صوته ستغربت
درت وجهي وجان انصدم من شفته كاعد ويه مجموعه من الطلاب ويحجون وبيدهم كتب من الصدمه كمت وكفت اشوف واتأكد
ضليت صافنه عليهم نوب سالت البنيه الي جانت يمهم واجت تكتب يمي كتله
هذا منو؟ كالت
دكتور وسام
هنا يداوم؟
اي بالجديد
صارله شكد
كالت تقريبا سبوعين هزيت راسي واني مندهشه كل عقلي عبالي جاي يسأل على البنات او عنده شغل بس هنا يداوم شعجب وليش؟
وشعجب ماكلتلي زهراء شفته باوعلي بنظره خاطفه ورجع كمل كلامه عفت المكتبه وطلعت
رجعت زهراء وجنه كاعدين بالسنتر وصار الموقف الي ذكرته بالبدايه كمت عنه واني العن بالحظ
شعنده رجع وليش نقل ليش رجع الجروح القديمه
مو كافي الي شفته ماعولت كدرت اتناسه وحاول اعيش طبيعي
دخلت بسرعه للامتحان وكملت السبحه من هو دخل علينه سلم و وزع الأسأله ومن وصل يمي احاول اكون طبيعيه بس ايدي ترجف ضميته جوه الستول جماله لابسه محبسه ناسيته بايدي ضليت انزع بي مينزع ضاب على أصبعي هو خله الورقه وكمل يوزع بدون اي كلمه ولا حته نظره
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
