جنت مترقبه النتيجه وعلى اعصابي متأكد من روحي بس مغثوثه لان احس محد مهتم او يعني هو ممهتم ليش اجذب على روحي كلهم يسألون ومهتمين بس هو ساكت ملتهي ويه مرته
اي مرته لعد اني شنو؟
من طلعت النتيجه زينب يمي تكمز و زهراء وخاله كلهم فرحانين وباركولي اله اني بجيت احس فرحتي ناقصه لان هو مويمي واصلا ميدري بهذا اليوم عمو حسام عزمنه على العشه وكلهم قدمولي هدايه
حته جدو حسيت فرحان ومرتاح لنجاحي
ردت ابشر اهلي كلت لخاله اريد اروح كالت اني اوديج ورحت وياهه وبشرتهم ومن رادت خاله ترجع كتله اريد ابقه اليوم هنا عافتني وراحت كضيت اليوم وياهم ومن اجه حيدر بشرته وفرح وفتخر بيه وكال
والله وطلعتي سباعي وخلتينه نندم ليش بطلناج
وانت كده وكدود
شفت اضحك وعدل بياختي
زين هسه شنو نكول طبيه انشاء الله
لا لا يا طبيه ماريد ماحب المستشفى والمرضه
ها اكو واحد يرفض النعمه نريد اختنه تصير دكتوره ونتباهه بيه
اصير ليش مااصير بس مو بالطب اخذ الدكتورا بالقانون
بتسم يباوعلي ويعدل بشاربه كال والله كفو واني حاضر شنو تردين من هاي وهاي يأشر على عيونه
ضحكت وجاوبته بفرح متقصر أريدك سالم لتنسه سند هم تريد تكمل دراسته انت وعدتني ها
راح اقدمله وانشالله تطلع كده مثلج
انشالله الحمد لله الله عوضنه بحيدر يسوه العشيره كله من أوله لاخره بقيت لثاني يوم هم مارجعت ماعرف ليش هجي اصرف يمكن ردت يعرف حته يضوج او بعد ماتحمل ابقه هناك كلشي يذكرني بي وكلبي يوجعني
هنا التهي ويه اهلي ثالث يوم تصلت خاله كالت مترجعين اليوم رجلج راح يجي ردت ابقه وعاند بس ميصر اخذ موقف رأسآ فكتله هسه اجي وصلني حيدر واني ضليت اركض وحضر وانظف وباوع عله الساعه بتوتر ماعرف شبيه عبالك اول مره راح يجي كملت كل شي وبدلت وتعدلت
من سمعته دخل كلبي طار من الفرح اباوعله من الشباك صح شكله تعبان بس يخبل
اول مادخل عيونه عليه سلم على أهله وباوعلي مبتسم كتله الله يساعدك شلونك واكفه مكاني استحي أتقدم بس فاجئني من رفع ايده يريدني أتقدم أتقدم وميته خجل من اهله ولا هتم حضني جوه ايده مثل زهراء وزينب بس الفرق البنات يبوسوا بخده اني بس مدنكه وفرك بدي فاضحه روحي بروحي دخل وأيده عله جتفي واني بس أريد أفلت كوه فلتت كلت اجيبلك مي رحت للمطبخ خذت مي نطيته وكعدت
سألنا على براء سولفنه على التعب والعراقيل الصارت وحالته الصعبه وكوه حالته ستقرت وبس يومين ويرجع ميكدر يعوفه واصلا عنده امتحانات نقهرت لان راح يرجع بس الفاجئني
من عرض عليه اروح ويا بقيت صافنه وحايره لا اكدر أرفض ولا اريد اروح احس صعبه خاصتآ بعد التغيرات الي صارت بس كلت انشالله وسكتت
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
