سلام الله عليكم قارئي رواياتي💕
سأخذكم اليوم الى جنوب العراق حيث العوائل ذات الطابع المتعصب والذكوري
نطوي بين اسطر روايتي هذه معانات المرأة والفتاة بشكل خاص وضرر التعنيف الاسري
على نفسية الفرد في مجتمعهم
القصه حقيقيه
والمواقف الي صارت داولتها وسائل التواصل الإجتماعي بوكته لتنبيه العوائل والحفاظ على الفتيات في سن المراهقه خاصه
حاولت ان أُخذ القصه بين يدي كلماتي لكي ابين الدافع الذي سبب هذه المشكلة وحجم الاضرار والمعانات وسوء تصرف كل الاطراف لكي نلقي الضوء ونحاول قدر المستطاع ان نأخذ العبره والحيطه والحذر
لطالما احاول ان اتلافى في سردي الاحداث الحزينه والعنف واحاول إن اقلل قدر المستطاع
كمية الحزن والالم الموجود
لاجعل طابع ظريف وخفيف للروايه لا يؤدي الى احباط وضيق صدر القارئ لكن في هذه الروايه سأحاول ان اوصل فكرة التعنيف الاسري بشكل واضح وغير مبالغ فيه
لسعة صدوركم وايضا لا تخلوا من الرعب والتشويق والمتعه والرمانسيه طبتم وطابت اوقاتكم بالمتعه والفائده اترككم مع البطله شهد بأجمل وامتع الاحداث صديقتكم الدائمه فاطمه العامري 💕
مقتطف من القصه 🌹
جنت نايمه ومغطيه وجهي جوه البطانيه منتظره اهلي شوكت ينامون حته اطلع.
اسمع كل حركه وكل نفس
امي جانت تحجي بصوت ناصي لان الكل نام تحجي ويه ابوي بكعدت اخر الليل ويه استكان الجاي الاخير بالهول جان يحجون عن اليوم شصارمن احداث الخاصه والعامه وسالفه جر سالفه من بيت أعبَيد لبيت ناهي لهايشة ابو سماعيل
الى ان تجر لدجاجاتنه ولستار اخويه انو ليش اليوم ماراح جاب السماد والمسواك وتنتهي السالفه اكيد بتعصيب الوالد العزيز بكلماتهُ المعهوده
انتم شيني الي تسووا غير اجل ونوم
كون احجي جيب هاي وَد ذيج كلش ماكوا عبن انه خالكم نايمين لضهاري ياملاعين الوالدين
يا ابو ستار شيني السالفه وتصيح عليه جا غير كليتله روح اليوم بس هو كضاهه بحرث الساكيه المسدوده عبن غركتنه ونوب طلع وي رفجانه
ها موش جاي اكلج حايرين بالونسه
جا هم شاب ويريد يتونس
ضلي ضلي دافعيلهم حته يسكطون فد نوب
لا لا مالي شغل بعد انت وياهم مالي غرض
كومي لا بارك الله بيكم شليتوا حالي من وعيت على هالدنيا واني اركض لا راحه ولاكعده
وبتعدت كلمات ابويه بالتدردم الى ان راح لغرفته وامي كامت تلم بصينية الاستكاين وتشيل الجكاير والهوسه للمطبخ واذاني يمه الى اني كملت وراحت لغرفته نتظرت نص ساعه إلى ساعه
وهدئ البيت هدوءآ تامآ واظلمَ ضلامآ دامسآ وبديت اكوم عله كيفي ادبي دبيآ مريبآ واني انظر يميآ وشمالآ
لا تكعد اختي وجلب بيه وتفضحني فضيحتآ
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
