حريتي

التاسع

حريتي💔
فاطمة العامري✍️

سمعت صوت عمو وسام يحجي بصوت عالي

يابه ليش تغير الحجي انت مو وعدتني

بويه هاي امانه يمنه شلون تكسر بيه

شنو اكسر بيه من البدايه كتلكم عمري مراح اعتبرهه زوجه الي وكتولي ميخالف بس استر عليه ونعتبرهه بتنه وانت مالك علاقه بيه بعد شنو الي صار هسه

بويه خطيه البنيه مكسورة جناح واهله ضدهه شبه متبرين منه بس كدام الناس اهله وخاف يضل بخاطره

لا  اني فهمته من اول مااجت ومتقبله الوضعيه لاتحجي ولا تكول فوك ما خلصناه من الموت جان كتلوهه اهله

بس هنتنهله بيه اعدل بينهن واخذ رأيهه كون تكلي مواقفه

ههههه صدك تحجي حجي اكلك اني مامعتبرهه زوجه شنو هالجاهله وعدل
ماكو اي توافق بيني وبينه لا بالعمر ولا بالمستوه العلمي اني ادرس دكتورا اريد وحده بعمري ومستوايه تكون شريكة حياتي هاي اظلمه وتظلمني

لعد شنو بقيته هيج معلكه  بله عليك تقبله عله خواتك بنات اخوك

لا ماقبله بس هيه خلت روحه بهيج موقف
غلطة وتتحمل نتيجة غلطهه وذاك ابنك السكط الدايح جان هو اخذه وخلصه وخلصني من هلبلوه السوده

دخل يروح هلكو-- السايب حته لو اجه صدك ودكلي صدرة مانطيهيا   قشمر عله البنيه وضحك عليه لا عنده مسؤليه ولا التزام يصخم وجهي هذا ويفشلني ويه ابو ستار والثانيه متنركع بعد

لعد لتتأمل مني شي تفقنه من البدايه واني ماريد اظلمه وياي اذا تردون فد سنه سنتين تبرد السالفه وتنسي ورجعه لهلهه  وبلكي تلكه ابن الحلال

مالك علاقه بيه مادام شلت ايدك منه هيه بعهتي بس هسه  اريد هيه كون موافقه وماعده مانع تتزوج وروح مالي شغل بيك اخذ هاي السنيه خلي تفيدك

يابه شنو السالفه واذا سنيه شريفه وحبابه ومثقفه

هايهيه بويه شوف حياتك

جاغير تجون تخطبولي

اي يصير خير يصير خير ام حسام انتي حاجي البت شوفيه شدكول

اني ركضت للغرفه حته مي ماشربت يله خلي يزوج احسن بس شوف شلون طلع مامسويه لله متفق وياهم يخطبوله ياله قابل ضجت بس كلت  شعليه

اجتي خاله وجانت منحرجه واني مبتسمه عليه كوه حجت خطيه اني ماترددت ولا لحظه وكتله عادي خاله من حقه بتسمت بألم وكالت تعالي حاجي عمج

لا لا ماحجي ويه عمو معليه

ههه ولج  يا عمو  نيالي تكول عله زلمته عمو جا شلون مايطكج بمره خايبه كومي كومي
لجدج اقصد. وتفر بيده

كمت امشي كدامه وايدهه عله ضهري درت وجههي عليه واني اعدل بالحجاب

أ أ... يوم عمو وين؟ اذا بعده يمه بعدين اروح لجدو