حريتي

١٨

حريتي💔
فاطمة العامري ✍️

ثاني يوم راح بعد ماخضرتله الشغلات الي ياخذهن حطيتهن عله الميز من كعدت الفجر كلت خاف ماشوفه من يطلع ورجعت نمت

مرت ايام واحنه نقره وشغلي بالبيت وكمت اتصل باهلي من خاله وفرحانه بهل شي كلبنه صفحه جديده امي ملتهيه بتحضير زواج حيدر وسند تساعده ومخبوصين ردت ارروح
كلت لخاله كالت خابري رجلج صفنت عليه
عافتني وراحت اخذت الموبايل ساعه اكول ماروح ساعه اكول خلي اتصل اخر شي تصلت
يدك واني مرتبكه اول مره اطلب منه شي خاص طلعت امشي بالطارمه والموبايل عله اذني سمعت صوته جاوب

الووو هايمه شلونكم

اء الوو هلو عمو اني شهد

يا شهد؟

صفنت رجع كال الوو

اني اني عمو.. شهد

ماعرف ياشهد عمو انتي منو؟

ماعرف شكول بعد سديته بوجه بينما دا افرزن الصوت دك شلته

الووو

كال سدين الموبايل بوجهي؟ بله هاي دكه

ضحكت لا العفو عمو بس عبالي مو انت الرديت

يعني معقوله متعرفين صوتي؟ وجماله كلت ها يمه مو صح

سكتت نوب كتله مو انته ماعرفتني ف

فشنو المهم كولي اا شسمج؟

صفنت شبي سكتت نوب كلت شهد

اي كولي شهد شعجب متصله خيرج

اء اريد اروح لاهلي اذا تقبل

اممم وشعجب تاخذين رايي مو جدج موجود؟

اء مو خاله كالت

شكالت

كالت كلي لل.. كلي لعمو

ها كالت كلي لعمو؟ خوش روحي عمو بس خلي يجي حيدر عليج

اوكي شكرا

العفو

سده رحت بدلت ودكيت عله امي شالته سند كالت حيدر طالع طتني رقمه وتصلت بي كال نص ساعه واجي نتظرته ورحت لاهلي فرحانه
وبقيت للعصر حددوا موعد العرس بعد سبوعين رجعت سوينه العشه وسولفت لخاله عله احوال اهلي وكعدنه يم جدو

ومرت هاي الايام بين البنات والدراسه وشغل البيت للخميس اجه جان تعبان مبين كبل صعد ومانزل للعشه خاله كلسى تكول روحي شوفي ماكدر اصعد رحت فتحت باب الغرفه ضلمه ونايم رجعت كتتله كالت شغلته مو خاليه خاف مريض يمه ولدي شبي
وضلت تلوج نوب دكت عليه

يمه شبيك انزل تعشه شبيك يمه مريض
ماكدر اصعدلك تعال نام جوه اداريك
تالي سدتت منه وباوعتلي كالت
مريض مو كتلج كوه يحجي روحيله بنيتي