حريتي

٢٣

حريتي💕

مرت هذه الايام بترقب من يوم الي حجينه بعد ماشفته كلي امل اشتغل ويه خاله وبالي مشغول سمعت الموبايل شالته خاله اسمعه تحجي ويا عفت الشغل ورحت يمه اسمع بهتمام عسى ولعل يجيب طاريه فجأه كالت خاله
اي هاي يمي واكفه اضن تريد تحاجيك

طتنيا تضحك اخذته منه بلعت ريكي بخوف نطقت هلو عمو

عليكم السلام ورحمه الله

ههه احم سلام عليكم شلونك عمو

الحمدلله انتي شلونج شخبارج

الحمد لله زينه بخير

سكتنه نوب كال بعدج تقرين؟

ء.. اي يعني اكول احسن ماكاعده يعني احم
اقر..

قطع كلامي وكال

باجر حضري مستمسكاتج وصورتين عمج حسام ياخذج يقدملج خارجي

من الفرح ودلي اطلعله من الموبايل وابوسه
طرت من الفرح جاوبته مكيفه

صدك عمو شكرا شكرا ماعرف شكلك انت احسن.. انت.. احسن شخص بحياتي باوعت لخاله ضحكت وعافتني

ضحك وكال راويني شطارتج الي خابصتنه بيه

هههه وداعتك اله اكل الكتب اكل

لا يمعوده لا تكليهن بس اقريهن
و.. ديري بالج اقل غلطه ماسامحج واول متخسرين دراستج وتخسرينه

جريت نفس بقهر وغصه بلعومي جاوبت
عمو اذا ماعندك ثقه بي لت..

قاطعني كال
لو ماعندي ثقة جان مارجعتج بس اعتبري هذا حرص

ماشي واني راح اكون احرص عله روحي من اي شخص لان الخاسر الوحيد اني

إنشاء الله خير تردون شي

لا سلامتك

في مان لله

الله وياك سديته وكلي حماس رغم الغيمه السوده الي بحياتي بس الإنسان لازم ميوكف يم اول غلطه يستمر وينجح و يصلح الغلط ويرجع ثقة العالم بي

ثاني يوم عمو مر عليه بعد ماتصل عليه بالليل واكد عليه اخذ اوراقي اخذني طكيت صور جديده وقدمت وجبنه الوثيقه من مدرستي ونقبلت الحمد لله بديت اقره بكل اصرار وعزم اريد اثبت لنفسي وللكل اني قويه وماستسلم لليأس واحقق حلمي حته لو بعد السمه عن الكاع
زينب ماعافتني وزهراء وحته رسل كلما تجينه تساعدني وتشرحلي عمو من اجه تلكيته مبتسمه وشكرته وكمت اخدمه بكل ممنونيه يستاهل التعب وكل مايجي يسألني شسوتي واكعد اسولفله كلشي
ملابسه اول باول غسل وكوي غرفته غراضه اكله اركض قبل ميحجي هو من يشوفني اشتغل يكلي روحي اقري مو تتحججين بعدين ابتسم واكله اني مسيطره لتخاف عليه نحن لانهزم يهز راسه برضه بس خاله ضاجت من صعد لغرفته وكالت
شني يمه متزعلين
لا ليش
جا ليش رد صعد بغرفته
رتبكت من سؤلها تصورت علاقته طبيعيه ضليت ابرر وجذب وغيرت الموضوع
وعله عيونه الحيره والزعل