حريتي 💕
فاطمة العامري ✍️
رحت لخاله كتله كالت طلعوا بس انتوا ابد ماطالعين والبتسامه شاكه الحلك
لا خاله عله الواهس احله
لا يمه خاف يجونه خطار البيت ميصير يفرغ
روحي طلعي تونسي شفتي من عرسج
صفنت عليه مستغربه الكلمه هو اني هم محسوب عليه عرس مثل البنات ولو كله من ايدي استاهل كملنه غده وشربنه جاي وكعدنه نسولف اني نعست لان كاعده من وكت والبارحة مانمت زين ذكرت الشاحنه رحت الخاله جانت تصفط ملابس بغرفته كتله وخذت المفتاح نزلت الشاحنه وشكلته بالكهرباء وبدلت ثوبي وفتحت شعري جان ضاب الذيل حصان خليت اصابعي بفروت راسي سويت مساج لأسفل راسي ارتاح لهاي الحركه نعست بالزايد طفيت الضوه وكمزت عله المخده اووف شبكته وغمضت فتحت جريت مخدتته شميته بيه ريحته كلبي خفق واني اذكر حركاته وتصرفات رجعته بمكانه ابعد تفكيري نوب غمضت هم كمت افكر
وين نروح اليوم وشراح نسوي واحسس اتقيد بس ارجع ارتب تفكيري لازم اتصرف بأريحيه واتونس ليش حابسه نفسي وليش هيج اتقيد منه هو حباب وخلال هاي السنتين ماشفت منه غير كل خيير رجعت نمت عدل افكر بي ومرات اتخيل يصير بنه شي ماتحمل الفكره ابعد تفكيري احسس كلبي يخفق مجرد تفكير ماحسيت عله روحي بعد
اله عله صوت قريب ونفس مافتحت عيوني
بس احسس هو نايم يمي وقريب عليه اخاف افتح خاف كبالي بقيت بس كلي اذان صاغيه
حسيت شي قريب عله وجهي ونرفعت خصله من شعري جسمي كل قشعر بعده وره اذني لحظات ماتحملت فتحت جان وجه مقابيل وجهي وعيونه مسلهمه رجعت غمضت بسرعه وره شويه وحاله من التوتر ماعرف شسوي كال بهدوء
شقررتوا تروحون؟
فتحت وكعدت عدل نتجيت اعدل بثوبي وشعري المنثور
احم.. اء خاله كالت انتوا طلعوا خاف يجينه خطار احجي ومااباوعله ماكو رد باوعتله
عله نومته يباوعلي كال بهدوء
لعد حضري روحج حته نطلع
رمششت ساكته
شنو متردين؟
لا بس خاف جاي تعبان هستوك اجيت نام خليه عله باجر
لا ماتعبان بس اذا متردين كيفج نام عله ضهر وخله ايده عله عيونه بقيت ساكته
حسيت نام كمت بهدوء بدلت وضفرت شعري
سمعت اجه خطار خليت الشال وطلعت
جانت اخت جدو مره جبيره وياهه بنيه شابه وطفل يطلع عمره سنتين هيج شي سلمنه عليهن سويت جاي وخليت الكليجه وقدمته
وأبنه كالوا يم جدي وديته بيد الولد الصغار ولد اخته
من كعدتت يمهم اخت جدو اسمه ام جواد كالت
هي هاي مرته الاوليه خاله كلتله
اي داده
وشصار عده ولد بت؟
ماصار بعده
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
