سلام عليكم ورحمة الله وبركاته
اعتذر من الكل لتأخير متأكد إذا تعرفون ظروفي راح تسامحوني أشكال أحداث صارت بهاي السنه مليانه تغيرات مليانه 🤗
بس انشاء الله أكدر اكمل القصه بكل تفاصيله وماقصر وياكم اتمننالكم أجمل وأطيب الأوقات صديقتكم الدائمه 💕
ملاحظه لتستعجلون بالحكم بس اقروا 😁
بعد مرور سنتين💔
جنت كاعده ويه البنات بالسنتر نراجع بالماده عدنه متحان الكورس دغتني باوعتله
شكو اشرتلي شوفي وجان اشوفه يمشي بهمه شايل ملفات بيده
وشايل خشمه للسمه يكاع هدي ماعليكي شدعوا واذا دكتور وحلو وشخصيه شنو يعني باوعتله ودرت عيني رجعت أقره كالت زهراء
مبين ماعجبج الوضع
شعليه بي
علساس متدرين نقل علمودج
اي اكول ساحل روحه سحل ويتوسل بيه يوميه حته ارجعله
اي غير ثكيل
كمت نفضت عباتي وكتله
لعد خلي يثكل شكد ميريد لان ميهمني من رخصتج اريد الحك عله الامتحان
عفته ومشيت دمي يغلي كلما اشوفه اكوم افوور ليش رجع ليش فتح الجروح شيريد شيريد مني
مو كافي الي شفته
--------------
راح احجيلكم من يوم تصافينه بي وفتحنه صفحه جديده وبدايه جديده ونسينه كل الي راح ونطينه لروحنه فرصه ثانيه بحياة زوجيه كامله متكامله بقبول الطرفين وكلمن يعرف شيريد من الثاني ان كان مصالح مشتركه او تفاهم وحب جان الطريق مفتوح كدامنه بس يرادله بعض التعديل او التذكير برؤس أقلام كلمن يوضح شيريد كدام المقابل حته نبدى بدايه صحيح اني جان هدفي الرئيسي وشرطي دراستي وهو قبل هذا الشرط وهو تكوين عائله
بس بقت فروع مرتبطه لازم نجر جواهه خطوط
صح دراستي اهم شي بس اريد ثقه واحترام واحتواء لذاتي مو لحاجة لطفل او غيره فقط
من رجعنه للبيت ايد بأيد امشي ويا احس الدنيا كله نفتحت كدامي نسيت اني شريد وشنو بالي لا احلام ولا امنيات بهاي اللحضه نسيت كلشي ورت اعيشه ويا وبس دخلنه للبيت والفرحه بعيونه بقه لازم ايدي ويقفل بالابواب سد باب المطبخ وقفله وطفه الضوه ماكو احد الكل نايم رحنه الغرفتنه فرحانين وماحسين بالوقت اول مادخل وسد الباب جرني عليه وحضني قوي واني بادلته وماحسينه عله روحنه اله من ذكرت اني معذوره همست بذنه بخجل بتعد وخذني بحضنه يصبرني مدري يصبر نفسه ويتوعد اني بين الخجل والرغبه حابه اعيش هاي اللحضات ويا بكل تفاصيله بهذا الليله نمنه عله مخده وحده بين الترقب واللهفه والحب والانتظار الصعب نمنه للصبح بحضان دافيه و رغبات مكتومه كعدني بلمسات بسيطه عله رموشي بطرف اصابعه كعدت مبتسمه و خجلانه من ضوه الصباح إلى منتشره بانحاء الغرفه كمت الملم بروحي بالغطه وهو يحاول يوخره بتعدت بضحكات خجوله ودلع بنات
كتله بخجل دور وجهك خلي اكوم
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
