حريتي💔
فاطمة العامري ✍️
اجت زينب وجايبه الاسأله كعدت احلهه وحدي وهيه تقره ومن خلصت حلينه الاساله سوه وكعدنه نقره ومفردشين نزل عمو مر من يم الهول نوب وكف ورجع مد راسه شافنه وعكد حاجبه زينب كالت
هلو عمو
هلو شتسون؟
نقره مثل مشوف
اشر عليه براسه لزينب اني دنكت اكتب كلتله
عادي تقره ويايه
ضل واكف شويه ماحجه شي وراح زينب كالت بعدهه علاقتكم صفريشن
اي وزفتيشن هم
هههه ليش ولج عمو ورده وحباب كسبي لج
اهو نوب انتي عليه كافي عليه خاله عوفي الموضوع بعدج صغيره اقري
ايباه علساس انتي شكبرج
هسه نقره لو شلون
نقره حبي لضوجين سحبت الكتاب والدفتر تلخص وتكتب بقينه نقره للمغرب ماحسينه بالوقت اجتي رساله عله موبايله رفعته وجرت نفس وكالت
اههو هذا شجلب باوعتله ورجعت اكتب ضلت لازمه الموبايل شلت راسي شفت عله وجهه ابتسامه مبتهجه واصبع ايده بين شفايفه تقره بفرح اشرتله
زينب شكو؟
باوعتلي وعيونه تلمع تضحك وكالت
ولج هو هو طلع
يا اشش فضحتينه منو؟
احمد احمد دنت الموبايل عليه وكالت اقري
اقري شوفي شكاتب
رجعت الموبايل عليهه وكتله
مسحي مسحي وعوفي الموضوع ليقشمرج
ضلت لازمه الموبايل وتقره عطت بيه
زيييينب
اوفف اوكفي بس خلي اقره شبيج قابل شمسويه
شلون عرفتي هوه؟
ماجنت اعرف كلما تجيني رساله احضره هسه من دز هذا الشعر اخر شي كتب اسمه
وميله رقمج؟
مو علرقم عله صفحتي
شلون عرفه؟
اكيد من اخته لان مسوين كروب عله الماسنجر كل الصف اكيد اخته متواصل ويه وحده
شو فرحانه زينب شناويه؟
عليج الله بس اقري وحكمي قدمته الي بفرح
اخذته منه بديت اقره وجان اسمع صوته شمرت الموبايل من ايدي ولزمت الكتاب عله وجههي من الخوف زينب راسا اخذته وضمنه وهو كال
جاي تقرون لو سختون لو شنو الفلم؟
زينب جاوبته لا لا عمو نقره بس سالت صديقتي عن سوال منعرفه
اشر براسه بضوجه وكال يله اني رايح اي شي تحتاجون اتصلوا بيه ابوج طالع يمكن؟ كلتله
اي راح للمعمل
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
