حريتي

٣٣

استسلمت وكتله بنبرت موت
راح انسحب من حياتكم

كال ماشي واجه فتح اديه بنتر وكال

عدلي روحج السياره منتظرتج بره بسرعه طلعي
عافني وطلع عدلت روحي واني مثل المغيبه دموعي تصب خذلان وشفقه على نفسي الي جاي تحترك على ذنب ينخر بيه سنين من العذاب والهم والقهر لبست عباتي طلعت نفس السياره ونفس البنات السافلات بس مو صوجهن هن ينفذن بس

صعدت مااحجيت ولا كلمه ماعرف شنو مصيري أيست من كلشي وصلنه قريب الشقه شفت من بعيد واكف يلوج والتلفون عله اذنه

هه بيمن تتصل اريد اشوف بيمن قبل لا انزل كالن
لتحجين شي احنه راح نحجي نزلت كوه هنه لازماتني منا ومنا اجه يركض مفزوع  كال خير ياساتر شكو وين جنتوا البنات حجن

وكعت مغمي عليه وخذناهه للمستشفى وبقينه وياهه إلى أن ستقرت حالته وهيه ناسيه موبايله فماتصلنه نطمنكم أثناء الحجي هو اخذني من ايدهن يتفحصني ويسمعهن من خلصن كال

شهد شبيج حاجيني بيج شي شبيج ليش وكعتي

اني بس ابجي

كلوله تعبانه خطيه

اتشكرهم وراحن صعدني حاضني طبيت للشقه تلكتني براء مفزوعه تكله شبيه هو يكله مادري جيبيله مي ركضت راد يكعدني بالصاله اشرتله للغرفه اخذني للغرفه اجت براء طوني مي كوه شربت ايدي ترجف مااسيطر عليه كال

شبيج حبيبتي شبيج شنو اليوجعج شكلوا
الدكتوره شكالت

باوعتله حاقده عليه وعله النفسي وعله الكل الغضب البيه يهد جبال باوعت على براء وعليه كل البراء من رخصتج طلعت وسدت الباب باوعتله وهو منتظر الجواب بخوف

شنو خفت عليه   متأكد يعني جنت منتظرني وجنت خايف وقلقان صدك لو تشاقه

صفن مصدوم ستوه يريد يحجي كتله

شبيك صفنت احجي خفت عليه بعيطه

طبعا خفت   حييل تأخرتي شلون ماخاف عليج شبيج تصيحين

افرض تأخر السايق او مااجه افرض انخطفت  تعرضت لضرب  لتحرش  لحادث شلون انطيك خبر شلون اطلب المساعده كلي وانت عايفني بلا موبايلي كل هاي المده مدكول يصيير عليه شي

بلع ريكه بصعوبه كام يتأتئ كلت متحتاجي كلش موفرلج شلج بي

شلي بي لعد ليش هسه جاي تحقق وقلقان ماتحتاجه شي كلش تمام ومتوفر وكلشي ماصار بعد عليمن القلق والخوف   عليمن اني بهذا الحال
    عليمن انت مخليني على ذمتك وانت مثق بيه عليمن صحت حييل ملخت نفسي يريد يلزمني نهاريت

عوفني عوفني وخر لتلزمني بعد عوفيني
كلكم مجرمين تقاسمتوا عذابي اهلي واخوك وانت كلكم   شسويت حته كل هذا يصير بيه غلطت غلطه وحده  سنين واني ادفع ثمنه غالي
لا أهل رحموني لا انت رحمتني بقيت تخاف  وتشك وتحاسب نخرتني نخ
وأخر شي عتبرتني  حاضانه  لا أكثر ولا أقل