حريتي💔
فاطمة اميري ✍️
وكفت اسوي عشه بعد ماوديتله الجاي جان مندمج كلش ويكتب ويكلب بالاوراق رغم برودت الجو عفته ورحت للمطبخ حايره شسوي فتحت المجمده خاله مامقصره تارسته طلعت كباب مشيشته ومسطرته بجياسه طلعت وجبه وخليته بصنيت الفرن وياه بصل شرائح وبتيته وطماطه ورشيت فلفل اسود وملح وعلكت الفرن عليهن
وسويت شوربة خضار لبراء وطلعت غراض الزلاطه اثرم واباوع عله الصاله لسه ماكعدت وهو يقره رجعت اثرم وره شويه دخل للمطبخ بيده كوب الجاي غسله وخلى عله جهه
اسرق النظرات واثرام كال
شسويتي عشه وفتح الجدر يباوع كتله
شوربه وكباب بالفرن ستوه هسه اصب كعدت براء
لا بعدهه هسه اكعده
اوكي نكعد هناه عله ميز لو بالصاله افرش
لا هنا احسن
اوكي
هز راسه واجه اخذ طماطايه وقسمه بيده ورش ملح عليه واكله يابه شتهيت الطماطه من اكله بهاي الطريقه اباوع واثرم وكال
اوكي اوكي مبتسم
باوعتله ورجعت اثرم حسيته يصنف كال
مبتسم اول ماسمعت حجيج كلت هاي مو منا لان حجي منطقتنه وناسنه يختلف
صفنت وبتسمت اذكر الموقف دنكت خجلانه كتله اي ماحب حجينه صراحه
وين تعلمتي لعد؟
تدري شكد متعلقه بالبنات من وعيت عله الدنيا وياهم فخذت ذبتهم واحب حجيهم البغدادي واحب اسمع من التلفزيون الحجي الي يعجبني حته تركي تعلمت
ها كالهه مامصدك
هههه مرهبا لسن سن بن بير جمله أكيورم
أكشم يميگ استيوروز
ضكك متفاجئ وكال
شننو هاي؟
مرهبا مبينه مرحبه يعني لسن سن شلونك بن يعني اني بير جمله اكريوم يعني احجلك جمله اكشم يمييگ استيوروز يعني من فضل خل نتعشه
فتح عيونه وبتسم والله عمي زين منو علمج؟
خليت الزلاطه بالطاسه ورشيت ملح كتله من جنه بالمدرسه وطشت المسلسلات المدبلجه التركيه جنه نحجي عنهن بوكته كتلهم اني احب المترجمه مو المدبلج لان لغتهم كلش حلوه كالت صديقتي اني شتريت كتاب تعليم الغه التركيه قريت بي شويه وشمرته فكتله اذا متردي جيبي وفعلا جابته جنت اقره بي دائما وحفضت هوايه كلمات
اممم حلو اخذ ماعين من الكاونتر وحطهن عله الميز وراح طلع الصمون وكال زين انكليزي هم تعرفين
خليت الزلاطه عله الميز وتجهت للفرن اطلع الصينيه وكتله اكييد اعرف لان من ضمن منهجنه
لا قصدي غير المنهاج
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
